من جربت حبك اني مرتاحيت
لان حبك صعب هوايه اذاني
ومن شفت غدرك احتركت الروح
واتمنيت من ربي تطفه نيراني
ما جنت ادري هيج تصير وياي
حبيبي يخون حبي ولوحدي خلاني
جنت اضن العمر ويا افراح
بس يا حسافه زيد انوب احزاني
بعيوني اني شفته يحجي ويه غيري
ومكتفه بالي صار انوب يضحك اجاني
يكلي حبيت غيرك وبعد ماريدك
خلص هاي هيه ضيع بدرب نسياني
استجذب ضحك اريد اضحك الروح
عيرتني بمحبته واني الخجل غطاني
يوميه اكول انتهت نسيته وراح
والعمر بيه يركض وماناسي اني
لو تدري الدمع ما فارك العين
والكلب صاح بصوت ميت عساني
الناس كل لحظة يسألوني شبيك مقهور
بس استحيت اكلهم حبيبي للنار وداني
حياتي نغمة صارت بيها بس احزان
كلت الحن فرح بس ما رهمت الحاني
وخلص صبري وضاع عمري وانتهى كلشي
وكلبي مل وعيوني تعبت وتعبني حيل ازماني
بقلم
احمد الركابي
