صدكَـ صار اهواي ما مريت بيه؟!

صدكَـ صار اهواي ما مريت بيه؟!

و صدكَـ صارت حسرة احط إيدك بديه ؟!!

و صدكَـ صارت عادي .. ما نكَعد سويه؟!

صدكَـ صارت عِشرتك بس ذكريات ..

جنها ما جانت حقيقة و واقعيه؟!

و صدكَـ صارت ارسومك خيال ..

و شوفت اطيوفك عصيه؟!

صدكَـ صارت لَمْسِتك صعبت منال ..

و جانت اسهل شي عليه؟!!!

جان وكتك يمي يكَظي .. كله يمي ..

صدكَـ صار لغيري وكتك .. مو إليه؟!

انته اللي جنت يومية تكَصدني
و يمي تكَعد
.. تملي ساعاتي الخليه..؟؟؟؟

و هسة صِرْت لجيّتك أكَعد و اتاني ..

و أنتظر .. بس ماكو جيّه..

الدنيا متعوضني عنك ..

دنيتي اخلافك رِديه..

آنه محتاج لحناناتك حبيبي ..؟؟

لّليالي السُندسيه!!

آنه محتاج لــ سماحة وجهك اليضحك ..؟؟

و بسمة اشفاك النديه..؟

مشتاكَـ لهدوئك .. لانفعالك ..؟؟؟

كل هذيج الأريحيه..؟؟

إرجع .. رجّع أيامي بوجودك ..

آنه من دونك خطيه؟!!

و انته من طبعك تسامح ..

و طيبتك عالكل سخيه..

أدري آذيتك حبيبي ..

لأن شفت منك اذيه؟؟؟

و أعترف .. ضيعتك آنه ..

و ضيعت بيك القضيه..

و بغبائي ..

و كبريائي ..

و سوء تقديري ..

صرت انته الضحيه؟!

هديه ربي جِنْت و أعترف يـ فلان ..؟؟؟

آنه ضيّعتْ الهديه..

آنه ضيّعتْ الهديه

روووووووووعة
عاشن الايادي وردة
على الشعر الحلو
تحيتي و ودي

عاشت اناملك الذهبيه على ماخطت من ابداع متميز
لا تحرمينا من جديدج المتميز
ودي

عااااااااشت ايدج ورده
طبعا كلمات ماتنوصف ::49::
تسلمين عيوني على الموضوع
ودوم الابداع
نتضر كلشي منج حلو

مشكوررررررررررررررة * وردة *

على الشعر الجميل روعة

تحياتي لج

توم كروز

والله رووعه
كلش كلش حلوة
يسلموو ورداية
تحيتي

روعة وردة
عاش ذوقج
كلمات ولااروع
تحياتي الج

منورين عيوني

عاشت ايدج وردة
على الموضوع الجميل
ننتضر كلشي منج حلوو

كلللللللش حلوة
تسلمين يا مبدعةة
عاشت ايدج
تحياتي الج

منورين عيوني