اغار عليك من كلبي والعيون

لذلك اني حاير وين اشيلك
وحقي اني ماأجيلك اني معذور
أغار عليك مني وماأجيلك
دخليك ربي من الموت ماصيح
من زعلك صحت ربي دخيلك
تتكلب علي بس ماأبدلك
أبدلك بيش بس أنت بديلك
تتباه أبجمالك أنت معذور
على الاجيال بيك أتباه جيلك
عليل أبحبك أنى وحيل مرتاح
لان كامو يسموني عليلك
أذا مرات أفكر أشتكي أعليك
اجيك أركاض من عندي أشتكيلك
مو أحلاهم أنت بس دخت بيك
همه الاحلى بس محد حلالي
وحب من طرف واحد حبي وياك
واكل للناس بس حبك مثالي
ولحد الان بس انت اقتنع بيك
ولحد الان بس أنت على بالي
اذا يحجون ماأسمع شيحجون
واذا تسكت أسمعنك يغالي
شرجي وتخن الريه واشم بيك
وكل للريه يمعوده شمالي
واذا تاكل بكلبي وماأخليك
احس أمقصر ومدري شجرالي
عليك أبجي وعلي تضحك وازكيك
واكول اشكد حنين اشكد بجالي
اكلك غالي وتغلس واحاجيك وتلبسني
واكلهم كلي غالي
احبك غير احبك غير أداريك
غير أنت الذي أتبهذلي حالي
وماترهملي بس تفصال احس بيك
ومر تكتل واضوكك حلو شمحلاك
اغمض عيني أمغمضة وتصد ليك
افك عيني علغيرك أنت ألكاك
هلا بجيتك أصيح وأنت ماجاي
واقشمرني وأكوم أشابك أوياك
بدونك عندي حتى العيد مو عيد
وبعاشور جنة العيد ملكاك
تسواني وتسوه الراح والجاي
وتسوه الكلشي أنت وحتى تسواني
وتسوه الكلشي أنت وحتى تسواني

::51::::51::::51::

عاشت ايدج ورده
دوووم الابداع
ننتظر جديدج

تسلمين وردة على الكلام الجميل
عاشت ايدج
ننتضر كلشي منج حلو

تسلمين وردة شعر جميل
دمتي بهذا الابداع والاحساس
ودي

منوووووووووووورين عيوني انتو
وتدللون

وربي تجنن
عاشت ايدج
يامبدعه

تدللين عيوني انتي
منورة حياتي

عاشت ايدج
قصيده
جداااااااااااا رائعه
تحياتي

تدلل وررردة
منور

يسلمووووو حياتي
تحياتي

عاشت ايدج ورده
تسلمين على الموضوع
كلمات حلووو وجميله
نتضر كلشي منج حلووووو
تقبلي مرووووووووي
تحـــــــــــــــياتـــي

تدلل وردة
منور بمرورك الحلو