اهداء الى كل العشاق
اريدك دوم توفي وتصدگ وياي
وعلي أنت تجي مو بس أجيلك
واريدك دوم ألي وأتعاهد وياك
تصيرن خل ألي وأني خليلك
ما أقبل لغيري تحاچي فد نوب
وتتعذر ألي هذ ازميلك
اريدك بس ألي وتتواصل وياي
أغار عليك يحبييب دخيلك
أغار عليك من أمك يمحبوب
ومن چفي أغارن چي يشيلك
حبيبي وداعتك بيك آنه مجنون
ولأن أنت خلاصي أشتكيلك
على روحي أهد وأفزع وياك
ومن نظرة عيونك انتخيلك
تعال ومر علي لو حتى بالطيف
أقبل جيتك وأحفظ جميلك
تلگه فراشي فارغ وآنه بالباب
ينتظرك تجي الله وكيلك
تعال بكيفك أنت شلون متريد
ممنون آنه ألك وأرضى بقليلك
بس تبعد علي تنساني مامقبول
لأن ماعندي أبد خل بديلك
