مااكدر بدونك..وانت تكدر ليش؟؟؟؟

ما أكَدر بدونك,و إنته تكَدر ليش؟
و ليش شما أجيلك عني تتبعد

ديمقراطيتك هجر و ميل الثواني إرهاب
و بكل لحظه ال..تُمُر إجروحي تتهدد

مو شغلة وفه لا و الله لا محشوم
و لا انته إعله جرحي بيوم تتعمد

بس شغلة عشكَـ حدينه شَتَن حيل
و تدري إنته العشكَـ حدينه ما تنحد

بملفات العمر جاري بحث الافراح
"لقد تم البحث" و أفراح لا توجد!
و لأن دين الضحك سلفه بفوائد موت
على الاحوط من اضحك واجب اتشهد

و تتهجه الموت شفتي و الشفايف بيض
أنا إمْجَفن الشفايف حتى لا يحتد

ضحكهن..و السوالف بيها ريحة موت
أتاني السيف يذْكُر حَزَة المبرد

و أركز بالجرح مو خوف لا وهواس
عِصَرْ شرياني روحه و جرحي ما هَوّد

و مجلبه الروح حيله و بحبل محزوز
و تِعِت جفوف جرحي بروحي تتعمد

أطيح..و من اطيح تصفكـَ الشمات
و أعد كلها تِصيح و كلها تتوعد

و لأن ايوب جان و هسه بالتاريخ
يراودني سؤال براسي يتجدد

منو بكَدي صُبَر؟؟؟

عاشت ايدج وردة كلمات واحاس رائع
ودي

مشكووورة عالمرور .

تسلمين ياورده
كلمات رائعه
تحياتي

كلش حلوة
يسلمو وردة عاشت ايدج
تحياتي

منووورين بنات ويسلمو ع مروركم الحلووو.

كلش حلو
تسلمين ورده
عاشت الايادي
تحياتي

يسلموو ورده
تحياتي الج.....

منووورين حبايب.

عاشت الايادي
كلمات ولا اروع
تحياتي

هذا من ذوقج عيوني انتي منوووره وربي
مشكوووره ع مرورج الحلووو خيتي .