اتعرفون ..ليش انحب..؟
تدرون ليش أنحبّ ؟ .. ليش أنحبّ ؟ حتى اليحّب يعرف يحّب الناس .. تدرون ليش أنحب ّ ؟ .. ليش أنحبّ ؟ حتى أبعشقنا أيلمنا حبّ الناس .. حتى الكلام الحلو يبقى لغة للناس .. حتى الحقيقة تبقى شمس أمنوّرة أبوجداننا , بأفكارنا , ومانظل نرجع ليورا .. حتى أمانينا تظل بنجوم حبنا أمسوّرة وحتى الأفكار المظلمة تبقى ب...عيدة عن حياة الناس تدرون ليش أنحبّ ؟ .. ليش أنحبّ ؟ ** ** **تدرون ليش أنحبّ ؟ .. ليش أنحبّ ؟ عشاق هذي الأرض لو شحوّا نظل عشاق .. نتبادل أوياها العمر وأشواق ويّ أشواق .. تعطش , يلمنا الليل عطشانين .. تفرح , يلمنا الصبح فرحانين .. عشاق ياخذنا العمر عشّاق .. وأحباب علمّنا الوطن شنحب ّ .. تدرون ليش أنحب ّ ؟ .. ليش أنحب ّ ؟ ** ** ** من أجل أن تبقى معاني الحبّ هيّ الترسم أحروف الكلام .. وتصبح الكلمة الطيبة هيّ شمس الناس في وجه الظلام .. وتشرق الحرية في كل عين عمية حتى لا يحكمنا أولاد الحرام .. ومن أجل أن تختفي كل الخديعة من حياة الناس .. تدرون ليش أنحب ّ؟ .. ليش أنحبّ ؟ ** ** ** حبيّنا كل الورد , كل الورد , والأكثر القدّاح .. وحبينّا أحلى الثمر , أحلى الثمر , والأكثر التفاح ,, لكن محبة الوطن عدنا تظل أسلاح ولو ضاع حبّ الوطن ياحبّ يظل له أجناح ؟! تدرون ليش أنحبّ ؟ .. ليش أنحب ّ ؟ حتى الحقيقة تبقى شمس الناس .. وحتى اليحب ّ يعرف يحبّ الناس
