العلاقت المتعددة بنفس الوقت

صباح الخير \مساء الخير
اليوم موضوعنه للنقاش
العلاقات المتتعدة بنفس الوقت

حبيت اليوم اطرح هذا الموضوع لأنه داشوف
اكو هواية شباب وصبايا ديمارسون هذا الشي
يعرف او تعرف اكثر من واحد وحدة بنفس الوقت

ليش هل شي هذا ديصير ؟؟
وين ضميرك وانت او انتي دتضحكين على عدة اشخاص بنفس الوقت

مع الأسف كل هاي العلاقات الفاشلة يختبئون باجمل واطهر شي في الحياة
الحـــــــــــــــــــــــب

ااصبحت المشاعر لعبة ؟!؟
ماذنب الشاب او الفتاة انتي تقع تحب هذا الكذب ؟!؟

لماذا انسحبو الجميع من ضمائرهم ؟!؟

ان القلب يتسع لحب واحد فقط وعندما يحب الانسان يحب شخص واحد فقط
فلنخلص بحبنا لمن نحب ولا نجرحه ولا نخونه
اتمنى من الجميع ان تشاركوني النقاش وتجيبون على اسألتي التي لم اجد لها جواب
ولم اجد لها مبرر ؟!؟

اتمنى ماكون طولت عليكم
انتظر مشاركاتكم
ودي

شكرا حبيبتي على الموضوع الحلو والمفيد والهادف
لاسف هذا الشي متفشي جدا في وقتنا الحاضر
من باب التسليه او اي شئ اخر
عاشت ايدج حبي عالموضوع
تحياتيالج

تسلمين شموسة على رئيج ومشاركتج منور وردة

عاشت ايدج ورده على طرح الموضوع
طبعاً دا الاحظ هالشي موجود وبكثرة
ما اعرف الي يسوي هيج شيستفاد بس تسليه وتلاعب بالمشاعر
مثل مكلتي القلب يتسع لحب واحد
الي يحب يحب حب واحد فقط ويخلص له بحبه
تحياتي

يسلمو على الموضوع وردة
صحيح اكووو هواي اشخاص تلكين عدهم عدة علاقات بنفس الوقت
اعتقد السبب انه هم مايلكون الانسان او الانسانه الي يريدوه ولهذا السبب يبحثون عن هذا النقص الي عدهم بعده علاقات
صحيح هذا الشي خطاء
بس بعد كل انسان وتفكيرة
لان موكل الناس سواسية
ومو كل شي
يريدوه يلكوه
عاشت ايدج
وتقبلي مروري

عاشت ايدج حبي
ع الموضوع الحلو
والطرح المميز
ومثل ماكلتي
تسليه مو حب مجرد
تقضيه وقت
والسبب مااعرف شنو
يجوز الي تسوي هيج
تتفاخر وتكول اني عندي اكثر من معجب
والي يسوي هيج نفس الشي
يكول البنات يموتن عليه
اني اعتقد هيج
ومشكوره ورده
ودي

كلامكم صحيح شكرا لارائكم منورين ورود

اني بصراحة مع وضد العلاقات المتعددة

يعني بلنسبة للولد اذا سوة علاقة وية وحدة وبقت تشمر براسة فأكيد راح يلبسهة حتى تجر عدل

وفي حال لبسها اكيد مراح يبقى حديقة وراح يشوف وحدة غيرها وبهيج حالة راح يسيطر ومراح يهمة شي لان تزعل وحدة اكو وحدة بدالها

هاي طبعا اذا اقصر الامر على ثنين

والشغلة المو زينة هو انتشارها بحد ذاتة لان راح يفقد احترام اصحاب العلاقة وراح تقل الثقة بين الناس

وبوكتها لكل حادث حديث

هذي الشغلة منتشرة هواية واسبابهة هواية
واعتقد هذا السبب الرئيسي اللي يخلي اغلب الناس ميؤمنون بالحب
وحرامات اكو هواية يسوون هذا الشي بس بعدين يتندمون

يسلمو ورداية ع الموضوع

ان القلب يتسع لحب واحد فقط وعندما يحب الانسان يحب شخص واحد فقط
فلنخلص بحبنا لمن نحب ولا نجرحه ولا نخونه

وهذا الشي انسه من قاموسنه بسبب الي ديصير من سهولة الاتصال لوجود النت والموبايل ورخص اسعار الخطوط الجديده للموبايل ولقلة ثقافة البعض
والله اعتقد هذا االشي مرض نفسي وموبلسهوله يتعالج
الله يبعدنه عن هيج نماذج لان صادفنه هواي هيج ناس والله رحمنه وبعدنه عنهم وماكو داعي واحد يلجأ لهلطريقه الى الي يحس بنفسه نقص ويريد يكمله بلعب بمشاعر الناس الباقيين حوله
مشكوره ورده علطرح والله يستر علجميع

كلامكم كله صحيح
شكرا لارائكم
منورين