على جروحي مشيت الوحدي اليوم
اطفي النار بيدي وتبقه الجروح
على جروحي عدوي تشمت هواي
رجع جرحي القديم وهسه مفضوح
على همومي دمعتي وحسره بالعين
مثل حسره جبل من خانته سفوح
احس جرحي الشفه ضل باقي وياي
طلع جرحك عزيز وباقي بالروح
گمت انهض واطيح وماكو خي عون
وبعينك شفتني اليوم مطروح
بس انه الملح من اربط اخوان
واكلهم بالچذب يا حيف مملوح
گلبي الضيم كله مسطر هموم
وگلبهم من حجر ومسطر بلوح
عندي الصاح مثل الخنجر بلليل
گدامه اغرگت ويگلي سابوح
عمي المات راح وروحه ترتاح
وانه بنص گبر وتوسل تروح
چنت عايش ورد بعيون الجبال
عطر طبعي امس من حرگته يفوح
صرت معشوك تالي واكتب الشوك
ولگيت الشوك كله بگلبه ممسوح
بقه جرحي محب والعاشگه ضنون
لأن حزني ذنب من خنجره ينوح
عليهم عين سدت منبع النور
وگلب مسدود ابد لتگلي مفتوح
ممنوع الطعن گالوها وسفات
وعليه امن الطعن اشكال مسموح
گضيت الليل ابچي ودمعه بالعين
وصفيت ويه الفجر عل قبله مذبوح .
