صحيح اكابلك اضحك ( من معاناتي )

صحيح أگبالك أضحك من احاچيك
بس چادر قهر بالروح منصوب

ولو أيوب يدري بصبري وياك
مايوم أصبرت چا گلي أيــوب

كلما ردت أعدلك أعوج الگاك
ومثل شعرك اشوفك ضدي مگلوب

أگلك توب بسك جوز العناد
ترجع مثل الأول وأبد متوب

اطب من باب اجيلك ترگع الباب
ادگ البوب تركض تقفل البوب

تگلهم ما أحبة وشكله مكروه
وماتنحب وأگلهم والله محبوب

أعذيبي اشتم هواك وآني مخنوگ
خنگة الأمهة ماتت وكت الغروب

بيك أعيوب لكن من احاچيك
انساهن وأطلع بيه العيوب

من گلبك أشوفك تمسح أسمي
وأچذب عيني اگلهة شبيج مكتوب

بدرب يومية أطبلك حتى الاگيك
لحد ماخلصت وياك الدروب

اروح اشرب أگولن بلكت أنساك
بصفي الگاك وانتة تصبلي مشروب

تمطر ملح ايدك فوگ الجروح
ولأن ابيض اشوفة اعتبرة حالوب

يا أسلوب اجيبة؟ حتى اراضيك
تطلع شيبة بيضة براس الأسلوب

أضم بجيبي كلمة آني اهواك
تجيك وچف اديهة يشگ الجيوب

مثل منصلب عيسى ومريم تنوح
لحد هسةأعلى ملحك جرحي مصلوب

روح وماگلك بس كلمتين
مثل مالبت منك ريتك أتلوب

منقول للأمانة الادبية

يسلمو ورده
والله كلمات روعه
تحياتي

نورتي ورده
من ذوقج

يسلموو ورده عل موضوع
عاشت الايادي والله
تحياتي وررده...

تسلم ورده
عاشت ايدك دوم الابداع
تحياتي الك

كلش حلوة
يسلمو وردة عاشت ايدك
تحياتي الك

عاشت اناملك وردة على ماخطت من ابداع متميز
ودي

تسلمون عيوني
من ذوقكم

كولشش حلووو
يسلمووو ورده
عاشت ايدك
ودي

انتي العايشه عيوني
نورتي

كلما ردت أعدلك أعوج الگاك
ومثل شعرك اشوفك ضدي مگلوب

روعة كولش حلوو
عاشت الايادي
وننتضر جديدك
والله يبعدنة عن المعاناة

نورتي عيوني
يسلمو عالمرور