انتة اشعرفك سلمت واتعديت ماتدري وراك اطلكت نسوان

انة بحضرت جمالك ازهد العشاك
مضطر افك حبك قافل البيبان
من تكبل علي سجادة اسوي الروح
واتوضة بعطر لوشفت وكتك حان
اتعثراكبالك بالجذب تمثيل
خاطربالوجه تاخذني بالاحظان
وماجني حضنتك جني ذاك اليوم
حاظن جنس حوى من انخلق للان
تعلة انفاسنة ونعرفها ماهي انفاس
حمم خلص وكتها وتنزل ابركان
ويهب عالي الهوى وشعرك علية يثور
شن ظدي حرب ماخلة حسنك بان
يصعد على الوجه ويبوش الوجنات
انزلة اعلة الزنود ايفصللها اردان
راح اغرك ابشعرك لوردت ماموت
دنيلي الشفايف وانقذ الغركان
طولك مستقيم الدنيا تحلف بيه
بس خصرك فظحنة بكل وكت سكران
معذور ايتمايل شرب كومة اعيون
هو احنة النباوع صارعدنة ادمان
لاتوصل الحينة الناس ظجت بيك
شارعنة اشتكالي وزعلو الجيران
انتة اشعرفك سلمت واتعديت
ماتدري وراك اطلكت نسوان
شباب البطرف شيبو من شافوك
والشياب لبسو مودة الشبان
تعال اكرب حبيبي اذنوب عندي اهواي
اريدك ذنب اكبر تكلب الميزان
اسولفلك سوالف مالمسهن بال
جلدك يطربلها اتصير عندة اذان
واكتبلك قصايد بس الك مخصوص
واذبحلك غزل ميذبحة ياهوالجان
انة صاحب قصيدة اشبع الاحساس
مو صاحب قصيدة اشبع الديوان

منقول للامانه

عاشت الايادي وررده

دمتي بابداعك

تحياتي...

يسلمو عاشت الايادي
تحياتي

عاشت ايدج ورده
دوم الابداع
تحياتي

تسلمين وردة
ودي

تدللوون عيوني
منورين بمروركم الحلو

تسلمين ورده
عاشت الايادي

تسلمين حبي
عاشت ايدج
تجنن
دومج مبدعه
تقبلي مروري البسيط
ودي

تدللوون ورود
منورين

عاشت ايدج ورده
نتضر كلشي منج حلووو
تحياتي الج

منور حمجي
تدلل