انسحاب على فراك على وداع...كلهم

السلام عليكم ورحمه الله وبركاته

شلونكم شباب/بنات ..

والله ما اعرف شلون ابديها

بس ردت اودعكم لان اليوم اخر يوم اليه بلمنتدى وبلنت

لان باجر تبدي المدرسة واني ما اعتقد راح اكدر افوت

لان ظروفي مراح تسمحلي

احب اعتذر من كل شخص اني خاف يوم زعلته او ضوجته

واريد منه يسامحني لان الدنيا ما تسوى واني ما اريد احد يزعل عليه

واحب اقدم وداعي الى كل عضو بلمنتدى

واكلكم اتذكروني ولتنسون امبراطور البصرة

والله جنت اتمنى احضر يوم عيد ميلادي هنانه بلمنتدى والي هوه يصادف

يوم 1/10 يعني واحد عشرة

وجنت اتمنى الهداية الي تقدموها للاعضاء بكل مرة

بس ممقسوملي

واكللكم اشوفكم على خير انشالله

اخوكم او صديقكم

امبراطور البــــــــــــــصرة

شنو يعني يمعود جفلتني؟؟

شو موضوعك فارغ بس عنوان؟؟

مافهمت شي؟؟؟؟؟؟؟؟؟

لالا موخوش خبر
راح نفقد شخص عزيز علينه
عالعموم الله يوفقك
ودراستك اهم من كولشي
وشوكت مايصيرلك مجال ادخل خلي نشوفك
ونسمع اخبارك
وان شاء الله تحتفل بعيد ميلادك هنا بين اخوتك
تحياتي الك ورده

لا حريمات
راح نفتقدك
ويارب ترجعلنه
بتوفيق
ودي

انشاء الله متنكطع علينه ورده
الله يوفقك بدراستك وشد حيلك ورد
راح نشتاقلك صديقي
انشاء الله محد زعلان منك
واكيد مراح ننساك
اتمنالك الموفقيه بحياتك
تحياتي

لا حبيبي شنو السالفه قابل رايح للجيش هي مدرسه قابل كله دراسه

انشالله تكدر تجي ونحتفل بميلادك ويانه

هذا مو خوش خبر يفطر الكلب
يالله ان شاء الله متنكطع عنه وتنورنه شوكت متحب
اتمنالك الموفقيه بدراستك وبحياتك العامة
وان شاء الله تحتفل بعيد ميلادك ويانه وبيناتنه
تحياتي لك ياورده

لا وردة وربي مو خوش خبر

بس المدرسة احسن شي والدراسة

بس اكيد لازم عدك عطلة فد شي تفتح وطمنة عليك وردة

وانشاء الله انت متكطع بينة

تحياتي الك

لا حبيبي هذا مو خوش خبـــــــــر

بس ان شاء الله وكت فراقك رجع تفتح نت وترجع الى المنتدى

لن بصراحة كل المنتدى يحبك وانا اولهم

ومناسبة عيد ميلادك بصراحة لك هدية من عندي هدية واو

تحياتي الى عيونك الغالية

صديقك tom cruise

لا مع الاسف يعني شنو متكدر

تتواجد ابد

ورده بس يصير عندك مجال يعني فد يوم مابيه دراسه ادخل للمنتدى لان اكيد راح نشتاقلك