وداعاً
2007
(قصيدة مصلاوية)
وداعاً 2007
وداعاً وغوحة بلارجعة
تفائلنا بيكي وقلنا رقم 7خيغ
وجتنا كثيغ أحداث مامتوقعة
بس غدنا تجين دنغشع وجكي
أثاري جيتينا مبغقعة
أشقد كنتي ثقيلي
عبالك على صدوغنامتربعة
امقد ما كنتي طويلي
عبالك أيام الاسبوع صاغتتسعة
كم مصيبي اغشعنا بيكي
وكم كفيي وكم فجعة
أشقد احزنّا واحزنّا
وأشقد نزّلنا القهغدمعة
غشعتينا اللي عمغنا ماغشعنانو
وعملتي بينا الستّيوالسبعة
عبالنا الكهرب ديتحسّن
وهم قضيناها عاللّمبةوالشمعة
كل شهوغكي كانت ظلام
وما بيها من النور ولا حتىلمعة
بالشتي ماكو كاز وغاز
وبالصيف مثل كل سني المجمّدةمَيعة
بحغ الصيف وبغد الشتي
قلوبنا من جوا ناغمولعة
غدنا شوية دنضوق الأمان
ما خلّيتينا حتى نلطعولطعة
كل يوم نقول: ها، كنّو الوضعأحسن
وما نغشع إلا تجينا فغدلكعة
شوية نقول كنّو التفجيراتقلّت
وماغشع الا يجينا الصوت يصرعناصرعة
مرة يضغبون مراكز الشرطة
أو يجلبون بمقرات البارتي وبيث نهرينوزوعة
إيما تحسّن إيما بطّيخ
يوم عن يوم الوضعيّةععّة
تجي العطل ويجي العيد
ومن البيت ماكو طلعة
من القهغ والهم والدرد
ما ظل أحد ما توجّعلووجعة
علما ويحد ديغيد يقوم
تجينو ضغبي وتوقّعووقعة
ما ظل أحد يعيون اللخ
واليقع ماكو من يقفلوفزعة
الكل يقول ما ظلنّا عيشيبهالبلد
والكل صاغ يدوغلوطلعة
يركضون على أبو عزيزوغيغو
بأي طريقة وباشقد من كان ديدبرونشلعة
كل يوم يغوح ويحد أويسافر
لمّن الويحد خصغ كلربعة
واللي سيّب بيتو وقعّد بقرهقوش
ما مصدق إيما يوم ديجي وقتالرجعة
واللي قال: بلكي عينكاوة أحسن
غاح غشع الإيجاراتمولعة
بيت زغيّغ هالقدّاتو
يغيدونو بست وراقوسبعة
جت ابّالي كلمة "روعة" دحطّابالقصيدة
بس ما لقّيتو شي ينقال علينوروعة
بعدين اذّكرتو كأس آسيا
فعلاً منتخبنا بيوما كانروعة
وداعاً يا 2007
والحمد لله أنو أكيد ما إلكيرجعة
يلا غوحي دنزت حجغة وغاكي
لا ما يكفي حجغة لازم نزت (أكيد قلتماقبلي) سبعة.
تحيااتي..
خخخخخخخخخخخخخ لتزعل زيزو ..
53:
