نذرت اذبح كليبي بيوم ينساك

على باب الجــرح دك جفك بسجين
واعرف دكتك وافتح شرايينــــــــي

لان في ما مضى للروح جنت الروح
ومكانك سابقا مابينك وبينــــــــــي

تأخرت بمجيئك وينك من سنين
يالمسلب شبابي بحالي خـــــليني

ذبل ورد المحنه ومات بيه الشوك
تمنيتك كبل مو هسه تسكينـــــي

جوعانه السنين ويوم ياكل يوم
عصرن ماي عمري وشربن سنين

جفت وجهي الملامح والفرح مختاض
وجه خيط العمر يم نار سجيــــــني

واكل عيني السهر كمت احلم احلم بيك
وولا طارش وصل منك يواسيـــــني

قفل بابه الكلب لالا تمر خطار
والموكد طفه ونامت فناجيــــــــــني

ومشيت بلايه خطوة وكاعي تنضح خوف

عثرت بذكرياتك باقيه بطينـــــــــــي

جنت مثل السطح مفتوح كلي وياك
ضنيتك سمه وتفهم مضاميـــــــني

وضكت مر الحقيقه بكاس من صدمات
من ايدك جنت كل ساع تروينـــــــي

وكبل سوطك قلم والظهر جان اوراق
كتبت فوكي قصايد لسه تاذيــــــني

وتطشرني المصيبه واسكر ببلواي
وتلملمني المصايب وارجع لدينــــي

وكلت خبز السوالف شفتي ويه شفاك
وبس ملح السوالف واكف بعينـــــي

انا عيني بصيره والجفوف طوال
ما اذل للعنب وارفعله جفيــــــــــني

صح ضكت العنب بس هو ينزل جان
بضميرك ياعنب هم كتلك انطينـــي؟
ما امشي بعد خلف اليبجينــــــــــي

نذرت كليبي اذبحه بيوم بي انساك
وهسه انت افتهم هاليوم اسد دينــي
انه سوالف قديمه وحسجه الشياب
ويمر وجهك حداثه يريد يلغينــــــــي

تضحكني شوكت وانا ابجي عمري الراح

يسلموووو عاشت الايادي
دوووووووووووم الابداع وردة

تسلمين شموسة عاشت ايدج
كولش حلووووووة

تسلمولي يالغلا
منورين حبايب
شكرا لمروركم الحلو
تحياتي

شكرا عاشت ايدك
رووووعة وربي

مرورك هو الروعه
منور وردة
شكرا للمرور
تحياتي

عاشت ايدج

يا مبدعة على هذا الكلام الحلوووووو

تحياتي الج

منور وردة
شكرا لمرورك الحلو
ولا تحرمنا طلتك الحلوة
تحياتي

والله شموسة ما ادري
شكولج
بس روووووووووووووووووووووعة

عاشت الايادي موضوع حلوووو
دوم الابدااااااااااااع
تحياااااااااااتي

عاشت الايادي موضوع حلو وكلام رررررروعة
تحياااااااااااااااااااااااااااااااااااااااااتي:a (39):