ماذا تفعل لو عاد حبك الراحل..؟

http://d3iny.com/up/uploads/images/d3iny-e5c1962a42.gif
أريد أخذ رايكم في موضوع
وياريت كل واحد يقول رأيه بصراحه ..


في هذه الدنيا اناس لكل واحد منهم قصة
تختلف من انسان لآخر ويختلف مدى المحبه من شخص لاخر
والسؤال هنا :
ماذا تفعل لو عاد حبــــك الراحل ؟؟؟

عندما يخذلون احساسك الجميل
..ويكسرون أحلامك بقسوة
..ويرحلون عنك كالأيام..كالعمر
..وينبت في قلبك جرح بأتساع الفراغ خلفهم
..ثم تمر الايام ويعودون اليك من جديد !
..فكيف تستقبل عودتهم

مااااااااااااااذا تـــــــــقـــــــــــول لــــــــــهـــــــــم ؟؟؟

تـــــحيــاتـيـ...http://www.z1z6.com/vb/images/smilie...5m_4d8578c.gif

صدكيني ياحياتي اني صار بيه هذا الموقف
وجرحني لان رفضت اني اعيش ويه اهله بيت واحد
وقسى عليه هوايه وهسه راجع ويريد نرجع مثل قبل
بس اني رفضت وكتله سامحتك بس للاسف مرح اكون الك ولا اكدر افكر اني ارجع الك
لان الي بينا انتهى والحب مات من يوم مقسيت عليه
هذا رئي والي صار ويايه
وشكرا على موضوعج الرائع والقيم والمميز تسلمين يامبدعه
تحياتي

بصراحة اني مصارت ويايا بس اني من صار الخلاف بيني وبينها علمود شغلات كان ممكن واعد يتخطاها افترقنة فترة ومن ردت اصالحها مقبلت وبصراحة انجرحت لان اصلا الخلاف مو صوجي فحاليا حتى لو هية ترجعلي بعد مستحيل اقبل وراح اكوللها جنت افكر بيج صول الوكت وهسة هم مرات افكر بيها بس الجرحني لا يمكن ارجعلة مع العلم اني مسامحها ومرات احجي وياها بس مو كحبيبتي بل كاختي

تحياتي للكل

:35والله اذا تريدن الصراحة ماكو واحد يقبل هذا الشي وحبيبك جرحك جرح قوي بقلبك متكدر تنسها بس انت تمنعين نفسج انو ترجعيله بس من داخلج تتمنين اتكونين يمة اذا فعلا اتحبيه وهذا الموقف صاير من ناحيتلي لحبيبتي اني ضالمتهة وقسيت عليهة:35
42:شكرا على الموضوع الروعة42:

شكراااااااااااا على مروركم وردودكم الحلوه
اني هم صار بيه هذا الموقف بس رجعتله لان مكدرت انسى حبي اله والي بينا

حقيقه ما ادري كلمن اله وجهت نظر
بس اني شلون ارجع الشخص هاني وعذبني وقسى عليه
ونسى الحب الي بينا وبعدين يرجع ويريد نرجع مثل قبل
شلون ما ادري والله لان بنظري الحب تضحيه هو من البدايه مضحا
وبتعد شلون بعدين ما ادري هذا رئي وكلمن اله رئيه
بس سؤالي الكم شلون ارجعله بعد كل الي سوا ؟؟؟؟؟؟؟
تحياتي

اي كلامج صحيح ايجوز عصب عليج وهانج حسب متكولين بس هذا كان قرارج انو متعيشين ويه اهله !! وانتي ممجبورة ..

بس هوة حسب وجهة نظرة انو انتي الغلطانة لان مضحيتي علمودة وعشتي ويه اهله !! وهسه من حينسئل حيجاوب بأنو هوة مقصر وياج وكلج حعيشج ويه اهلي مو بالشارع !!!..

وطبعا هوة الغلطان لان انتي من حقج هالشي وميتسمى هالشي تضحية انو انتي تعيشين ويه اهله .. ( قابل احنة وين عايشين ؟؟ بالعصر الحجري ؟؟ ) ..

فجوابي الج : الحبيب الي ميقدر رأي حبيبته او قرارهة هذا يعني ممخليلهة اعتبار .. وباجر عكبة اذا صار نصيب ونجمعتوا حيعدم شخصيتج .. فأحسن قرار اتخذتي .

----------------------------------

وبالنسبة للموضوع .. طبعا اني هماتين مريت بمرحلة حب وهيه هايه جانت اول واخر قصة حب بحياتي .. وشكد هماتين صارت مشاكل او سوء تفاهم بحيث اجتي ظروف خلتنه سنة كاملة محد يحجي ويه الخ ..

وكولة بسبب سوء التفاهم .. بحيث هوة سامحني واني سامحتة بس بعدين رجعنة ونفصلنة .. بس هسه القرار الي اتخذتة انو محد ينفع للخ ..لان هوايه فرق بيني وبينة ..

وسواؤا هوة طلب الرجعة او اني بكل الحالتين حمنع نفسي .. والحمد لله الرب انطاني صفة من اتخذ قرار اثبت علي ومحد ايغيرة ولا احد ايخليني احن على حبيب او على صديق او اي احد ..

وثانكس عالموضوع البديع ..

اني بالنسبه الي حبي السابق جان حب بس طفولي لان جنت صغيرونه
بس لو رجع ملح ارجعله ومع العلم رجع ولح يموت يريد يرجعلي بس اله اخليه يعرف بنات الناس مو لعبه مثل معافني ورفضني اني رافضته وما ارجعله


شوكرا على الموضوع الاكثر من روعه
تقبلي مروري


http://www.group-syria.com/up/images...mikbxfaar7.jpg

تسلمون حبايب على المرور
والردود الحلوه

شكرا حبيبتي جوجو وفعلا اني رفضت ورح اظل رافضه مو بس علمود هاي
الشغله هوايه اشياء لان الي يضحي الحبيبه وبعدين الحبيب ميقدر هاي التضحيه ويبيع
حبيبته بارخص ثمن ميستحق انو الواحد يرجعله او مجرد يفكر بالرجوع اله
تحياتي وشكرا ياجوجو لان شفتي قراري صح واني ييهمني رئيج

حلو الموضوع

والله اني ممجربه

بس برأيي القلب من بنجرح بعد ما يرجع واذا هالانسان دمر حياتي وعشت وراه فترة صعبة تغلبت عليها بصعوبة فلو تنكلب الدنيا ما ارجعله
هذا مو فد شي يدل على قوة الشخصية هذا فد شي الا علاقة بالكرامة
وهو اذا باعني قبل رح يبيعني مرة ثانية وثالثة واني مو لعبة كل يوم شكل يحركها بجهة


وماذا تقول لهم؟؟
الله يوفقك ويا غيري53:


بس اذا جان الفراق بسبب الظروف ومجان غلط منه فهذا شي اله حساب ثاني51:


تحياتي على موضوعاتج الحلوة51:45:

تقبلو مروري

شكراحبي ع المرور
والجواب الصريح

شكرا على الموضوع
اني هم ممريت بهيج حالة
بس اكيد مستحيل ايرجع لهيج شخص جرحني اذا هو صدك يحبني مجان يسوي اي شي يضوجني او يجرحني
هاي كلة لعب بس
الحب الحقيقي انو كل واحد يضحي علمود الخ
مو كل واحد يجرح الخ
شكرا على الموضوع الحلو
سلمت الايادي