هاي حبايب شلونكم اليوم جبتلكم الابراج كل واحد يقرا برجه شيكول ومعناته بللعراقي

:a (48):
جايبتلكم مواصفات الابراج حسب رؤية الخبراء ومراقبة النجوم طول الليل ودخول الشمس تحت الابراج الهوائية والقمر فوق الابراج الترابية وما راح اطول عليكم لان هاي الشغلات ميعرفها غير الخبراء بالنجوم (مثلي طبعا ً)وراح نبدي بالابراج ورجاءا ً محد يزعل لان هذا مو كلامي هذا كلام النجوم وتوقعاتها اوك
برج الحمل ( الصخل)
يتميز اصحاب هذا البرج باسلوب ك...لام مميز (لوكي) والتركيز على الهدف ( مثل ميسي ) ويتميز بواقعية وصلابه (صبه كونكريت)
يحب التوفير(عص كلش وبطنه خايسه من الفلافل )عنيد(ابو طنكوره)صابر ( ما اريد احجيها لان هذا برجي) متوازن(مخلي بجيبه حصو) هدوء في التفكير (بارد ابرد من الثلج)واضح (تكول شاشة ال جي).
برج الثور ( الهايشه)
يتميز اصحاب هذا البرج اول شي بحب المادة (يبيع امه وابوه ع الفلوس)وبالاستبداد ( متاثر بكاظم الساهر) والثبات على الراي (من يكول لا يعني لا )ولكنه يحب عمله (روحه ومذهبه الشغل)وسريع البديهه(يلكفها وهي طافره)ويكون متساهل دائما مع الحبيب (ميدري شيصير من وراه)يحب الملابس وخاصة الجديدة منها (يعني البالات )
برج الجوزاء ( الكرزات)
يتميز اصحابه بحب الاطلاع (حاشر خشمه ابكل شي )مثقف ( يقره ويكتب) مثالي ( مو ممثل يعني) ديناميكي ( دائما ً اسمعها بس ما اعرفها شنو )يحب الثرثره (من يحجي ميسكت الا من تطفا الكهرباء) قلق ( يمشي ويتلفت) قليل التركيز (يمكن ممتريك)لا مبالي ( ميدري بالدنيا شبيها ما بيها )
برج السرطان ( ابو الجنيب )
يكون اصحاب هذا البرج منفتح في علاقاته ( ابو درب ) يحب الكلام ( لغوي ) سريع في اتخاذ القرارات (بدون تفكير) لذذلك ترى اكثر قراراته خاطئه ( دومه متورط) فضولي (يريد يعرف كل شي )حشري (وخاصة البنات )حب الظهور (لازم اربعه وعشرين ساعه اون لاين)
برج الاسد ( السبع )
محشش ( عايش بغير عالم) دائما شارد الذهن (يصفن هوايه)خشمه جبير ،راسه جبير لديه عاطفه منغوليه ( يعني منغولي )ميثق بواحد حى بابوه يعشق الحريه (دايح)سبع ويسوي مشاكل هوايه اخو خيته ومع ذلك هو بطيء الفهم يعني مطفي من الرئيسي ، لا يعرف كيف يتصرف مع الحبيب دوم يجفص
برج العذراء( العانس)
مستقر في عمله (كاعد على كرسي)اموره العاطفيه دائما موفقه اموره ماشيه مبذر (مضيع فلوسه على كل شي)لديه حساسية عاليه (بيه جرب)يحب المناقشه والجدال (الاتجاه المعاكس صاير براسي) ولديه دهاء (خبيث يعني ) مرح اربعة وعشرين ساعه فاتح حلكه رومانسي (دائما يتابع روتانا سينما)لديه انسانيه ورقه (مثل تامر حسني).

برج الميزان (الكبان)
يمتلك اصحاب هذا البرج عاطفه كبيرة(الحنيه تكطر من كل مكان) وهدوء من يحجي ابد مينسمع وتضحيه يمكن متاثر بكارتون كرندايزر وحب المساعده(مايخلي فقير ما يخمطه)وفاء (وفاء عامر)وكثيرا ً ما يوكل اعماله الى الغير يعني عجوزي بالشغل يحب اللعب والمرح ( يلعب دعبل)يخاف من المواجهه (جبان)
برج العقرب (يمه كرصتني العكربه)
يحب اصحاب هذا البرج المشاركه (البيده مو اله ) كريم (حاتم الطائي)يحب الاثاره(احمد السقا بفلم المافيا)حنون (كلب والده) متدفق تكول بوري مكسور يحب الالتزام ولا يكذب (من يواعدك بالسبعه الصبح يجيك بالسته العصر ويكلك صارت عدنه فاتحه) لديه حساسيه زائده ( خاصة من بيض السلك)لكنه مزاجي (مزاجه برتقالي)
برج القوس(السهم)
دائما مايكون عصبي المزاج (دوم يصيح عالزغيره والجبيره) كسول ( ميكوم من مكانه لو طكت يمه مفخخه)متسرع (شاد محرك مال واوي)اخلاقه زفت ( دير بالك تحجي وياه)لا يحكم عقله في اكثر الامور (مطفيه ومخليه على صفحه)لذلك تراه دائما ما يقع في الخطأ(دومه غلطان) لديه حب الذات (شايف نفسه شوفه)لكنه يحب الخير للناس (على نياته)
برج الجدي ( الخروف ابو كرون)
لا يتعض من الماضي(اذا اكو حفره اباب البيت كل يوم يوكع بيها)بعيد عن الواقعيه (يعني مثل الافلام الهنديه لكه طفله على الرصيف رباها وكبرها طلعت امه) مبالغ في الدلال (مثل نانسي عجرم) يستجيب بسرعه للضغوط( اول راشدي يكول اني فجرت وزارة العدل) يعشق بسهوله(كل شويه يحبله وحده)يقدس الصداقه(اذا كله صديقة ذب نفسك بالنار يذبها)يتصرف بلا عقل احيانا(يجفص)
برج الدلو ( السطله)
متغطرس (صاير ابو جاسم) شايل خشمه ليفوك ، صاير هوسه ملابسه بصفحه وكتبه بصفحه ،مبذر فلوس متبقه عنده ،عدائي (مثل الذيب)عصبي ثري فيز، حاد الطباع (خبل)غير مسؤول(ماله علاقه شيصير وراه) لا يحب المساعده(يجي يوم ويوكع )ولكنه عندما يعشق يعشق بجنون (مثل جاك بالتايتانك)ويضحي من اجل الحبيب(مو كلنه مثل التايتانك) ولنه يخدع بسهوله (دوم مضروب بواري)
برج الحوت( البني والكطان)
يكون صاحب هذا البرج لديه طموح جامح (يريد يصير رئيس وزراء يمكن) يفعل اي شيء من اجل طموحه(يحرك الدنيه بس يوصل) يحب السيطره (سيطرة مال حرس وطني)سريع الزعل (اول ماتشاقه وياه يزعل)وسريع الرضا (بسرعة يتقشمر)يصدق كل شيء يقال له(مو عاقل) كثير الثقة بنفسه (فان دام) بــدون زعـــل

يسلمووووووو غلاتي

ههههههههه
عاشت الايادي موضوع رائع

ههههههههههههههههه
والله حلوة
هع هع هع هع

تدللون عيوني وشكرا لمروكم الحلو وردودكم الاحلى

تسلمين حبي على الوضوع اللي كلش حلو

تدللين حياتو شوكرا لمرورج وردج الحلو

عاشت ايدج الموضوع كلش حلو تحياتي

يسلمووووووو وردة ع الموضوع

منورين عيوني وشكرا لمروركم الحلو والردو د الاحلى

برج الاسد ( السبع )
محشش ( عايش بغير عالم) دائما شارد الذهن (يصفن هوايه)خشمه جبير ،راسه جبير لديه عاطفه منغوليه ( يعني منغولي )ميثق بواحد حى بابوه يعشق الحريه (دايح)سبع ويسوي مشاكل هوايه اخو خيته ومع ذلك هو بطيء الفهم يعني مطفي من الرئيسي ، لا يعرف كيف يتصرف مع الحبيب دوم يجفص

ض6ض6ض6
يمعوده كولي غيره هههههههههههههه
يسلمووو حبي
عاشت ايدج
مع حبي

مشكور اني برج الدلو بس مو عصبية ولا مخربطة ولا.............زز
بس صح من احب احب بجنووووووووووووووون
مشكورررررررررررررررررررررررر

تدللون حبايبي وردة وتعرف احد يعرف احد يعرفني وشكرا لمروركم الحلو وردودكم الاحلى

برج الميزان (الكبان)
يمتلك اصحاب هذا البرج عاطفه كبيرة(الحنيه تكطر من كل مكان) وهدوء من يحجي ابد مينسمع وتضحيه يمكن متاثر بكارتون كرندايزر وحب المساعده(مايخلي فقير ما يخمطه)وفاء (وفاء عامر)وكثيرا ً ما يوكل اعماله الى الغير يعني عجوزي بالشغل يحب اللعب والمرح ( يلعب دعبل)يخاف من المواجهه (جبان)

هوه خوش حجي بس الخاتمة مو مظبوطة ههههه
يسلمو وردايه

ههههههههههه يدلللو وشكرا لمروك الحلو