هل طيبة آلقلب تسآوى ضعف آلشخصية..؟؟؟؟

هلو شلونكم ان شاء الله الكل بخير
جبت لكم موضوع آتمنى آن نتنآقش فية ونضع لة جميع آلحلول.


آتمنى آلتفآعل..فلآ تصغر من قيمة رآيك ولو كآن بكلمة فهو يهمنآ..وسوف يزيد آلموضوع رووعة..



فى آلمآضى كآنت آلطيبة ميزة..تميز..بهآ لإنسآن ولكن مآرآة آليوم فهى نقطة سيئة.

ولو آصبح لإنسآن يتملكهآ.


,,طيبة آلقلب..صفة محمودة بل مرغوبة لدى لإنسآن ولإنسآن طيب آلقلب محبوب لدى آلجميع..,,


’’آلقضية:-

آصبح لإنسآن طيب آلقلب فى زمننآ يقآل لة شخص ضعيف وخبل ولآ على قولتهم على نيآتة..


وآصبحت آلطيبة توصف بآلضعف لمآذآ؟؟؟


لآنة يتصف بآلسمآحة..


وآصبح آلنآس يستغلوون طيبة قلب آلشخص لقضآء مصآلحهم !!


محآآور آلنقآش,,/\هل للطيبة حدووود..؟؟


\مآرآيك بطيب آلقلب ومآذآ تصفة ..؟؟

\كيف نتعآمل مع طيب آلقلب ؟؟.

\هل آصبحت آلطيبة عيب؟؟


\هل آصبحت طيبة آلقلب=ضعف آلشخصية؟؟؟

\ومتى تكون طيب آلقلب ومتى تكون شرس آلطبآئع؟؟

,,,آريد رآيكم وبكل صرآحة

اولا ثانكس عالموضوع ..

بالنسبة الي اني صح كَلبي طيب بس مو دائما .. لان بصراحة احس الي كَلبة طيب زايد مستغلينة بهالوكت .. واني متعودت احد يستغلني باي شي .. واحب دائما ابين نفسي كَلبي مو طيب حتى لحد يستغل طيبتي ..

وثانكس مرة لخ عالابداع .

شكرا حياتي على مرورج الرائع وردج الاروع والصريح
حقيقه اني هذا الموضوع كلش مأذيني واني كلش اضوج من الاستغلال
ولان طيبه يستغلوني المشكله مدا اكدر اتغير وما ادري شسوي
وشكرا مره لخ على مرورج وعلى ردج

شكرا الج على الموضوع الحلو
بس مو دائما

تدللين حبي وشكرا على مرورج الرائع وردج الصريح

هلو شباب وبنات
اني بالنسبة الي الطيبة النابعة من الاعماق يعني قصدي اكو اشخاص طيبين بس بداخلهم يكرهون اغلب الناس بس ميكدرون يغيرون لان ضعيفين بس الطيبة النابعة من اعماق الشخص
الشخص الي يحب ميكره ويساعد الغير هذا هو اقوى شخص بالعالم
الطيبة تكون حتى للضدك بس هذا مو معنا الشخص الطيب يخليهم يستغلو ربما تصير بس هذا ضحية للنفاق
بس اكو اشخاص بطيبتهم يفرضون احترام محد يفكر ينصب عليهم وانما دائما يطلبون المساعدة منهم
وهذا الشي ابدا مو ضعف
مرة اني شخصيا سالت واحد : هل المسامح ضعيف الشخصية
كلي ممكن يسامح خوفا من الشخص الامامة وربما يسامح لان شخص قوي وعندة قلب واسع
فكان ردي لجوابة زين اليسامح لان خايف من الشخص الامامة هذا تعتبرة سامحة اني السماح الي اعترف بي هو الانسان من يسامح الشخص بينة وبين نفسة مو بين الناس اسامحة واني اكرهة
فكان ردة السكوت
المهم قصدي الطيبة الي نابعة من القلب
والطيبة الحاصلة بالايمان
هذه قوة وليس ضعف
وبل هذا الشخص هو اقوى شخص
تقبلو مروري ورأيي المتواضع

تحياتي
TheProfessional10

مشكوره حياتي على الموضوع الحلو
والله الطيبه بهل وكت تعتبر ضعف في الشخصيه وغباء
لان المقابيلي ميفتهما طيبه
يفتهما ضعف ويحاول يستغل اكثر واكثر
واني مجربه هذا الموقفف هوااااااايه

شكرا على مروركم وعلى ارائكم الصريحه
وتحياتي للجميع

عاشت الايادي على هذا الموضوع الروعه

والله بصراحه هاي الصفه بيه وماعرف اشلون تخلص منها اني كلش طيب القلب واني مو غشيم لا بلعكس اعرف كل سوالف دنيه كلشي اعرف بس شكد احاول اغير مااكدر وياريت اكدر وشكد ياذوني لو يضروني والله مااسوي شي افكر اسوي شي بس اريد اسويها اتراجع ومااكدر كلبي مينطيني اذا احد والله العظيم طيب القلب بشكل غير عادي الى درجة اني مرات اكره نفسي



وتحياتي الج وتقبلي مروري

اني الصفة الشائعة عندي طيبه الكلب و من بعدها تجي الحنيه

شكرا على مروركم الرائع وعلى اجوبتكم الصريحه
تحياتي للجميع