سالفتي وية ابو التكسي من دا اجيب النتيجة (قصة حقيقية )
هلة والله حبايب قلبي شلونكم
راح احجيلكم قصتي من صاعد بالتكسي وية واحد ابو تكسي (طااافي)وانتو اذا شايفين باب الحارة راح تعرفون الحجي
طبعا واكف على اوتو ستراد المزة (ابسوريا ) رايح دا اجيب النتيجة وطلعت كمال اب درسين يبوو على حضي .. المهم
صعدت السلام عليكم ..
كالي اهلين وسهلين (بالسوري)
كتلة كيفك معلم ؟؟ كالي الحمد لله صعدت واني خااايف كلش كلت خلي احشش والله كريم اني اليوم ضايج واريد اضحك .
باوعت ليفوك لكيت حاط الاجازة مال سوق مالته وعليه اسمه الثلاثي ..
كتلة معلم وين ساكن انت ؟؟
كالي بالجوورة (يعني بالنكرة )منطقة ابسوريا .
كتلة اي الحمد لله وصلت ..
كالي خير ..كتلة والله يا معلم سالفتي طويلةى وحزينة كالي خير انشاء الله ؟؟
كتلة والله اني اطلب واحد مصارلي (فلوس ) بهاي المنطقة كالي اي شو اسمه ؟؟ كتلة انت وين كاعد كالي يم الجامع كتلة اي الحمد لله اسمه جاااامـــــــع الـــــ .. والله نسيت اسمه
كالي المصطفى كتلة هو ده يعني اي هو بالعراقي .. كتلةاسمه .. (اسمه حلا .. ) هع هع مو احنة شاطر شاطر .. ..انطيته اسم الاجازة مالته الثلاثي
السايق كام ايشوف الخط السريع دربونة .. كالي شكد عمره كتلة والله يكلع ابكدك تقريبا واني سمعت هو ماخذ سيارة تكسي .. وانشاء الله ميتهنا بفلوسي ويحترك بيه التكسي .. ما اسولفلكم المنظر .. يبووووووووووو يعني ابو التكسي اذا اكلة اطبك خلي اسوق ابمكانك ايكلي اي سوق .. من الدوخة كتلة شو صار معلم (شنو السالفة خالي ) ؟؟
كالي والله مافي شي بس الصيام شوية امدوخني كتلة خير انشاء الله كتلة بس اني مراح اتركلة لهذا الرجال الة اخذ فلوسي منه .. هو كالي شلون ؟؟ كتلة وصلت . كتلة بس اشوفة الزمة بالشارع واخلي يطلع ثاني يوم ابصفحة الحوادث ..
كالي اي لازم هذا حقق ..كتلة او لا ليش دا اتعب نفسي كتلة باجر شنو من الايام ؟ كالي اربعاء كتلة اي اروح لمخفر الجورة (مركز شرطة الجورة ) واقدم بلاغ عليه احسن ما ادخل اني السجن كالي اي احسن شغلة ... كتلة اكلك معلم.. كالي نعم ؟؟ كتلة حبي تكدر باجر تجيني للبيت بس انقدم البلاغ اني وياك للمخفر (المركز ) ... كلت اني السايق راح يكلبنة كام ايشك ابنفسه .. كالي والله ما اكدر .. كتلة ليش؟؟ كال مو باجر راح اطلع لطرطوس اني .. كتلة اخذ راحتك راح يكلب ..هسة راح يرجع للبيت ايكللها لمرتة انتي طالك واني رايح للضيعة (يم اهلة) يشتغل سايق حمار وحشي اخر شي كتلة نزلني هنا واني اشكرك ومع السلامة طلعا انطيته الفلوس ايده ترجف .. شباب اخاف يجيكم يوم واتحدقون اتصيرون سواق تكسيات او سواق سرافيس (كيات) ابد لا تحجي وية الصاعد ابصفك خوب اذا ورك ايكلبك ايكلبك لو مو فلوس لو اتكلة امشي على الرصيف .. تحياتي للجميع وارجو ان يعجبكم الموضوع التحديقي
ملاحظة : وصلت للنتائج طلعت كمال يعني ملحكت .. :sg:
