شلونكوم ؟؟
شكو ماكو ؟؟
التكَبيل .. كلكم تعرفوه شنو هوه .. وبينمن يصير ..
بس أكو أحد يعرف قواعده وأنوعه ؟؟
أكو واخد فاهمه عدل ( يعني من الراس للساس ) ؟؟؟
خلي أشرحكلم شويه عليه ..
----
اسس و قواعد عملية التكبيل
المقدمة :- للتكبيل أغراض عديدة إضافة إلى الجانب النفسي والمعنوي لاسيما في حالات الازدحام من جراء الكم الدراسي والعائلي لكلا الطرفين فضلا عن التجاذب القائم من القوى المغناطيسية لكلا الجنسين (بناتي ولادي , ولكافة الاحجام)
انواع التكبيل :
اولا - تكبيل مؤقت (قشمرة)
ثانيا - 2- تكبيل دائمي (زواج)
أ-التكبيل المؤقت:في هذه الحالة يلجأ المذكر وعلامة رفعه
الكسرة الى الخطوات ادناه :
1-التحسيس :هي عبارة عن نضرات قوية قد تصل قوتها الى
(MW 50)للعين المجردة (بدون عدسات وبغض النضر عن
الالوان ) وفي هذه الحالة تكون الطرف المحسس غايته
ورغبته (VERY LIMITED) ويكون التدعبل لمرة واحدة فقط (2/1 بوري)
2-الانطلاقة :-وتكون بأتجاه الهدف مباشرة وتكون ايام الاعياد
والمناسبات والحفلات التي يكثر فيها استخدام الشيالات
والمهدئات وفي هذه الحالة احتمال يكون فيها البوري
املبلب.
ب- التكبيل الدائمي:في هذه الحالة يكون الطرف المتدعبل
ولهان جدا (رايح بالزلك) أي ميكدر ينام اليل ونيته صافية
(يعني زواج)خطوات العمل للتكبيل الدائمي :-
1-تحسيس كلش قوي (يكسر الظهر) و ذو تردد عالي قد يصل الى (MH3900)
2-مطاردة شرسة (TOM & JERRY) قد تصل سرعتها الى (500 دورة /دقيقة) يعني مارسيدس 2000
3-التحسس بأكبر درجة, عدد الدورات = صفر وتبدأ عندما يشعر بحرارة كامنة يحسبها القانون التالي:-
الحرارة الكامنة للمتدعبل = الرغبة الشديدة للتكبيل– خجل ورديx الخوف من البوري
الأدوات المستخدمة :-
1-شعر كبس بدون جل
2-زلف طويل حاد
3-سكسوكة خفيفة (نمرة 2)خطوات العمل :-
1-التتبع :مراقبة الكبد في كافة الأوقات والتدعبل عليه في لحظة انفراده
2-بداية الكلام :هذه اللحظة هي اصعب مرحلة على الإطلاق
لأن الكلام الخارج من المتدعبل لابد أن يكون في حال( تصفيط ) مع الضغط الحنجري الواطئ ولون الوجه الأحمر
المائل للزرقة
3-التحية : التحية تكون صباح الخير (صباحاً) ومساء الخير (مساءاً)
4- الدخول في صلب الموضوع : ويبدء بالحوار التالي : أكدر أو
ممكن آخذ خمس دقائق من وقتك , وغالبا تكون الإجابة (لا)
ونادراً( فضني كول شتر يد , آني مستعجلة )
5- في حالة (لا) يتم تكرار كلمة (أكدر) مع ملحة كلش كلش
خفيفة ويوضع في الفرن إلى أن تستوي الحالة
ملاحظة : في حالات الفشل المروع الذريع يرجى الاستعانة
بالجكارة والبوري قانون:
شدة البوري /دقات القلب =كمية الضوجة المكتسبة
اذا كان الناتج تحت الصفر هذا بعني انك زهكان وفي هذه
الحالة يرجى مراجعة اقرب طبيب بيطري والاستماع الى
اغنية ايهاب توفيق ( تترجى فيه )
عزيزي المهفوف:-قد تصعد روحك الى خشمك وتشعر باليأس
وانك غير محظوظ عندما تحصل إلى رد قاسي ايوكعك على
الكراسي لكن صدق او لاتصدق ان بعد فترة هي الي راح
تخسر وتشعر بالندم لأن تصرفها كان كلش قاسي بحيث هذه
القسوة راح اتاذي البشرة مالتها وراح اتخليها تشتري وتصرف
على وجها اكثر من قبل . وانت لازم ما تستسلم من اول
بوري وحاول مرة اخرى مع كبد جديد و( الجايات اكثر من الرايحات )
ملاحظة مهمة جدا جدا :- كثرة البواري تعلم التكَ
بيل
هع هع ..
يله ..
يعني المغزى من هاذه الموضوع ..
هوه ..
أنه أي واحد ينضرب بوري ( شكد جان حجمه )
لازم يرجع لهاي القوانين ..
يعني البوري الخفيف .. يجوز مخالف القوانين شويه أو ماشي عدل عل قوانين بس هيه القوانين بيه أصلن بوري ..
والي مضروب بوري قوي هاذه مخالف القوانين هوايه ..
هع هع ..
يله مع السلامه ..
ونتمنى لكم بواري ممتعه ..
تحياتي
