حب الطائفيه(القصيده الاصليه )

**L•َِOَِ•Y•َِUَِ•S** · 2008-07-18, 03:07 PM

قصيـ،ـده
عاشـ،ـق الـ،ـى حبيبتـ،ـه
من بعـ،ـد فتـ،ـره من الحـ،ـب والعشـ،ـق
اكتشفـ،ـت الحبيبـ،ـه انهـ،ـم مختلفيـ،ـن
فـ،ـي الطوائـ،ـف
^
^
^
صدك تقبل حبيبي لغيري هسه اتصير
وصدك مليت مني وبعد متحبني
وصدك هانت سنينه الحلوات
وما هانت عليك شلون تتركني
من يمته المذاهب نحسبلهه حساب
ومن يمته الطوائف جانت اتهمني
انه من عشكتك ما سالت الناس
ولا جنت ادري اصلك شيعي لو سني
معقوله الورد ينسه جميل الماي
وانته بهالسهوله تنازلت عني
ما انكر مقصر اجت فتره وياك
لكن مو بديه الوكت يجبرني
شفت يمك نفط وبين اديك الماي
وانه بنار اشتعل ردتك اتخلصني
لكيتك بالعكس مايك شمرته بعيد
وجبت النفط بيدك حته تحركني
شسولفلك؟؟ بعد طعم السوالف راح
ردت منك ثواني وخيبت ضني
ادري الوكت هوه الخله كلبك هيج
وادري الطائفيه الباكتك مني
وقبل لا تبتعد عندي سوال ارجوك
فكر ويه روحك عود جاوبني
باجر لو متت واشوفني اباتبوت
هم تبجي عليه وبعد تذكرني

تحياتيـــــ

احدث المواضيع:

**نونه البزونه** · 2008-07-20, 03:00 PM

الله كلششششششششش حلوه عاشت ايدك
وقبل لاتبتعد عندي سؤال ارجوك
فكر ويه روحك عود جاوبني
باجر لومتت واشوفني ابتابوت
هم تبجي عليه وبعد تذكرني
الله عليك كلها روعه