شصير انه

[L•َِOَِ•Y•َِUَِ•S]

يلهث ابروحي
شصير آنه..
سفينة نوح..
اشيلن نوحك او ”نوحي“؟!
شصير آنه..
تعال انت بمكاني اوشوف، رفة ذبح بجروحي
شصير آنه..
وآنه ابنادم:
اجابر واسكت
اوخايف تطكَ روحي
تايه..لاوفه ايردك.. ولارديت من حالك
لوين اتروح؟
روحي اوياك وين اتروح؟
بجروحك؟
عليهه اجروح!
بعد المن دكَلي اتروح؟
يا دمع الهوه الجذاب
ياتمساح غركَان ابدمع روحه
او يا روحي العليهه عطاب
وك جذاب..
ما تنصح وابد جذاب!
لو اسوي العجب وانقش على اجفوفك
ذاك انته وتظل جذاب
من كَلبك ابد ما ضاكَ خفكات السّرت بيّه
من ليلك غريب ولا هو من ليلي..
ترف واحلام ورديّه

لن شوكَك سراب او ما صدكَ ميه
لوين اتريد يبنادم بعد بيّه؟
متكَلي لوين اتريد؟
ـ لجنانك؟
عمرهن بيد
يا صبخة هوه الماعز عليهه الماي،
لا جنهه ملح شتفيد!
وتكَلي بعد شتريد؟!
وك آنه اشفت منك واكَلك:
هذا اريده
وهذا لا ما ريد!!
يا دّلة جذب للضيف يبنادم
يلطبعك طلع يفلان غيمه ابصيف يبنادم
يبنادم نكَض جفني اوغده اموذر
غديت اوياك عود ابنار..
عمره اخضر..
ـ كتر يبجي على ايامه.. وكتر يسعر
بعد شتريد مني اكثر؟!
ـ سهر
يبنادم سهر واسهر
شصير آنه..
انه.. اولو الك انطر
شصير آنه؟
شصير آنه

تحياتي الكم

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[AbO RiShA]

الله الله
سلمت الانامل بما خطت
تقبل مروري

[دلع المنصور]

عاشت ايدك على الكلمات الرائعة
تقبل مروري

[L•َِOَِ•Y•َِUَِ•S]

شكــــرا
ويسلمووو عالمروررر

[* angel love *]

يع يع يع يع هههههههههههه عاشت ايدك خيوو موضوع جمييييييييل

[L•َِOَِ•Y•َِUَِ•S]

انتي العايشه خيتووو
يسلمووو عالمرورر