شفتني شلون من اشتاك واشتاك ....

[سعودالخفاجي]

عفتك جنت اظن لـــــــــــو عفتك ارتاح
وحته ارتاح شلتك مـــــــــــــــــــــــــــن خيالي
من امس واليوم وانه اركض وره الطيف
لان بالطيف مريت اعلــــــــــــــــــه بالــــــــــي
.............
تمنيتك الي وبس انــــــــه ويــــاك
واعلمنك علي مـــــــــــــــن اعشك شلون
الكون شكبره صدله بعينك وشوف
من احضننك بدي غير اكـلب الكــــــــــون
وردت واحد يشبهك وامشي ويــاه
واسكت الجانو بصــــــــــــــــــدك يكيفون
لكيته ومن لكوه يتمشه ويــــــــاي
كالو هوه بس؟مــــــــــــــــونـفس العيون

اروحـــــــن بيك دايخ و نفردبيك
اهــــــم والبيك ماكو و نفردبيك
كلت لازم تجينــــــي ونفرد بيك
انفرد من جيت ملج الموت بيه

شفتني شلون مــــن اشتاك واشتاك
الفرح عالجاي والــــــــــــــــرايح اوزعه
واطش سنين عمري اعله المسافات
وامــــــــــــل بعيون عاشكتك ازرعــــــــه
اسدعيني اعلــــه طيفك واقفل الباب
فص العين مــــــــــــن تطلـــــــــع تشلعه

قفل جان اعله سر حبنه لشفتاك
قفلنــــه ولادنت شفتي لشفتاك
تمر ؟وبطيــف شحجيلك لشفتاك
اعله خـــــد الطيف تلكه اثار اديه

يالطيوفك اخوتي وكلهم اعــــــــزاز
اليموت بياكلب لــــــــــــــــــومات اشيعه
الك بيه حنين يرجـــــــــــــــع المات
عــــــــــــــــــــدل جاليش طيفك مايرجعه
اجامل طيف غيـــــرك من يمر يوم
واسولف عالجفــــــــــــــــــن خاطر اقنعه
يسد بابه الجفن ومبينه زعــــــلان
بوجه كـــــــــــــــــــل طيف مايقبل ارفعه
ابجي بلادمع من يوم الفـــــــــــــراك
خايف مــــــــــــــــــــــن ترد ماالكه دمعه


سعودالخفاجي
الشطره

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[AbO RiShA]

الف شكر عيوني عاشت الايادي

[Golden Girl]

عاشت الايادي على هذه الكلمات الحلوووة
ننتظر منك المزيد من الابداع دائما ..
تـ ح ـياتي..

[ساروو]

عااااااااشت الالايادي
على الكلمات الحلوه
تحياتي

[L•َِOَِ•Y•َِUَِ•S]

عااااااااااشت ايدك ورده
كلمات روعه
ننتظر المزيد من ابداعك



ملاحظه : الشعر مكرر بس لان انته ضيف جديد راح ابقي الموضوع
تحياتي

[سعودالخفاجي]

شكرا لمروركم
القصيده لي ولاول مره انشرهه هنا واذا كان هناك غيري قد نشرها العتب عليه

[حمكي]

شكر خيو خفاجي
على الموضوع الجميل
تحياتي

[العميد نهاد العراقي]

مشكووور حبي
على القصيده الرائعه و الجميله
و سلم قلمك الذهبي ولا تحرمنا من جديدك
تحياتي
العميد نهاد العراقي

[سعودالخفاجي]

شكرا لكم ولجميل مروركم