البنات شلون يكضون يومهم

[AbO RiShA]

اليوم موضوعنة على بنات........ المهم راح نشوف البنية شسوي و شون اتكظي وكتها يوميا

تكعد بال 12الظهر مو على صوت منبه لا لأن المنبه اصلا خلصانة باترياتة من زمااان و صاير مزهرية و احتمال امسوية فتحة بي و حاطة بي ورد اكو منبه اضبط اللي هوة صوت ماما(ولج كومي اشتغلي ولج كومي اشتغلي ولج كومي اشتغلي ولج كومي اشتغلي ولج كومي اشتغلي.........42 مرة ) وراها تبدي نصف ساعة حرة تتضمن اهم مواضيع الساعة عالميا (تثائب,,,,, تذكر الحلم,,,,,شراح البس اليوم من اروح للكراده؟؟؟ الحمرة خلصت امي تقبل اخذ شوية من معجون الطماطة ؟؟ اذا الكحل خلص عدنا فحم؟؟)و ترجع اتنام!!!!!!!!!!

اتظل تمارين ايروبكس الصباحية بس مو رياضة و انما اتجر المخدة و اتخليها فوك راسها و وراها ترجع اتخلي المخدة جوة راسها و وراها ترجع اتخليها فوك راسها (112 مرة)

كولو كامت( كككلللللللييييشششششششششش) اول شي تتوجه للحمام حتة اتغسل وجها,,,,, امها بالمطبخ ما تسمع اللا عيطة 6 درجات بمقياس ريختر صادرة من جهة الحمام رأسا اتذب الجفجير و ب 3 كمزات هية بالحمام تريد اتشوف بتها اشصار بيها شنو انتلت بالواير؟؟؟؟ ابراهامز صعدت عليها؟؟؟؟؟؟؟( ادري ابراهامز اشجابها بالحمام اللي اعرفة بغرفة الخطار,,,المهم) تكتشف الام انه سبب العياط جان ابو بريص عال حايط يم المغسلة الأم راح تتعصب و تكللها وج ادري هسة هوة أبو بريص أي ادري شطالعلج؟؟رابح صقر؟؟؟ وتعوفها و ترجع للمطبخ اتدور عال جفجير وين صفة بي الدهر

تبدي البنوتة الشغل,,,,,, تلزم المكناسة الكهربائية( اذا أكو وطني اذا ماكو ترجع اتنام ) و تكنس الزولية(مو زورية) كل اللي اتسوي انه اتشيل 4 حبابي تمن و الشكر اذا واكع ما اتعب نفسها و اتشيله(كلبها جبير راح اتعوفة للنمل) و ترجع اتطفي المكناسة و اتكول ال امها المكناسة انترست بعد ماكو مجال ما اكدر اكنس ,,,امها راح اتكلها تعاي لعد كشري البتيتة حتة اسوي فنكر اني اكليها ادري بيج ما اتدبريها بس تعاي كشري ,,,

تاخذ 3 بتيتايات صغار اب صينية جبيرة مال قوزي ( شنو هال زحمة؟؟؟) و سجينة ام المتر و تبدي تذبح العفو اتكشر البتيتة ورة ربع ساعة راح تكتشف انه كل الكشور اللي اموخرتها وياها تقريبا نص البتيتة لازكة بيها راح تاخذ 5 بتيتايات لخ بحيث من 5 كيلوات راح يصفة ماعون بي 15 قطعة فنكر

وراها فترة استراحة 5 ساعات (مع انه الشغل كله جان ثلث ساعة) تكعد عال ستلايت تبدي اتكلب بالقنوات روتانا كليب ميوزك مزيكا ميلودي و اتظل نفس السلسلة ساعة بحيث شكو مغني بالقنوات هاي معدتة تكلب و جرررررب هنا و طفت الكهرباء

تلزم الارضي تخابر صديقتها كولو حصلت الرقم تعالو شوفو شلون يحجون:
هلوووووووووووو شلوووووووووووووووونج؟ من ساعة 1:00 الى ساعة 2:00
اخبااااااااااااااااارج؟شووووووووووووننج حياتي؟؟؟؟؟؟؟؟؟؟؟
مشتاقتلج هلو بيج اني اكثر انتي شلوووووووووووووونج؟؟؟؟؟؟؟؟
مشتاااقتلج موت !!!! اخبارججججج؟؟؟ اموووووورج؟
ههههههههههههههههههههه(على شنو تضحك؟؟؟ ما اعرف) ( من ساعة 2:00 الى ساعة 3:00)

شفتي سامو زين ذاك اليوم؟ولج عزززة ايخبل ايخبل لا لا تامر مو حلو (من 3:00 الى نهاية المخابرة) صاير طالعتلة بطباطة اب خشمة اي اي
يا حفلة؟جذذذذذذذذذب!!!!!!!! مال اليسا ؟؟لا ما شفتها لااااااا عفييييييييييييييية
شوكت طلعت؟؟؟؟؟؟ لااااا حرامااااااااات جنت دا اغسل شون حظ
يللا بلكي ايطلعوها مرة لخخ اكلج,,, عندج نغمة مال هيثم حلو حبك؟؟ صدك؟؟
عفية عود انطينياها حبااااااااااااااابة ,,,هههههههههههههههههههههههههههههه
ههههههههههههههههه( على شنو الضحك والله ما ادري هسة قابل خطي مشترك
وياهم؟) شكد خبيثة,,,ايي اييي اني هم يللا لعد اشوفج عال نت

احدث المواضيع:

• ھذي وصيةعجوووووز لبنااات المتزوجاات بهذاالزماااااان...
• كيف تصبحي محترفة في رسم عينك بالآى لاينر ؟
• أفضل الطرق لعلاج الأظافر المتقصفه
• .•:*¨`*:•.أفضل الطرق لتبقى بشرتك نظيفة مشرقة .•:*¨`*:•.
• لماذا تفتح المرأة فمها أثناء تكحيل عينيها ؟!!
• فقط للصبايا ... تعلمي كيف تكوني محبوبة وجذابة
• اذا حبيت
• اذا بيك خير جاوب ؟؟
• ليش العراقيه مهرها غالي
• النساء حسب تصنيف مهندسي الزراعه

[ملاك الحب]

هههههههههه يسلمو ورره

بس مو اعتقد هذا مكانه بالتحشيش لوالتماسيح والسحالي!!!!!

عالعمووم يسلمو

[همسة الروح]

شكرا عالموضوع

[عطر المودة]

ههههههههههههههههه
مشكور على الموضوع تقبل مروري:23:23

[حمكي]

ههههههههه
يسلمو على الموضوع
تحياتي

[ساروو]

ههههههههههههههههههههههه
يسلمووو
بس اني مو هيجي
هعههعهعهعهعهععههعهعهعهعهعهع

[Emad al-Samarrai]

يسلمو عيني على موضوع الجميل انريد مزيد تقبلو مروري

:27:27:27:36

[AbO RiShA]

نورتو ورد الموضوع نقلته من مكانه الصحيح
وهذا مكانه هنا لان الموضوع
شبه تحشيشي
هذا الشي صحيح هيه هاي حياة البنيه
لو ؟؟

[ملاك الحب]

بس هذا تحشيش على البنات لان شووف كلها بين قوسين تحشيش يعني لو موضوع مرتب جان صار اوكي

عالعمووومم يسلمووووو

خلينا نشوف جديدك

[AbO RiShA]

هسه عيني هذا تحشيش بس عجبني اخلي هنا
ماكو داعي لتعليقج اني اعرف شغلي زين
وكلمن علي بشغله ورده
يغلق الموضوع حتى محد يضحك يابه ؟