شعر حزين ومؤلم ؟؟؟؟

[Emad al-Samarrai]

يا الي ضحيت بحياتي ولجله كل عمري فنيت
انه امك يا بعد امك يابني تذكر لو نسيت
يابني ربيتك يا غالي و على سنين رباك امالي بنيت
سهرت ليل الشته بطوله وويه النجوم تسامريت
و جنت لو ردت اغفه يمه وياك اغفه لو غفيت
و افز من نومي و احضنك لو يا وليدي صحيت
يمه تعبني رباك و بالعمر يابني ولا لحظه هنيت
و جنت اكَول وليدي يرجع و احتمي بظله لو ذبني زماني و كبريت
يمه ذاك التعب كله و السهر و النوح يا يمه تحميلت
كلت تكبر و بسدك الووذ و تصبح انت حزام ظهري لو هويت
ااااااااااااااه يابني اااااااااااااه ياني
تالي وسفه ويه لوعات الدهر وحدي بقيت
تالي فركَه ويه نوح و بيت اظلم غير ذني ما لكَيت
تالي يا وليدي تخليني و تروح و تسكن ديار الغرب لهاي ابد ما حسبيت
سنين بعدك مرمرني و صبرت على النوح يا يمه تعوديت
و كابرت كَلت ابني يرجع لكَلبي يابني صبريت
وسفه ويه همومي وحدي يا الولد تالي صفيت
يا الولد بله اريد انشدكَ شلون كَلبكَ طاوعك يا بني و نسيت
يمه ببتوت الكَلب للمهد يابني هزهزيت
دلوووووووووووووووووووول يا الولد يابني دلووووووووول عدوك بالمحنه و ساكن الجول
يمه ببتوت الكَلب للمهد يابني هزهزيت
و جنت لو بتجي يا بعد امك اجيك كَلبي قبل الجدم يركض يحضن الكاروك يا بني و ابجي قبلك لو بجيت
وليدي تذكر لو نسيت ؟؟؟؟؟؟؟؟؟؟؟؟؟
يمه تذكر ذاك حضني البي دفيــــــــــــــت
؟؟؟؟؟؟؟؟؟؟؟؟؟؟؟؟؟؟؟؟؟؟؟
و انسى كل هموم عمري لو بس مره الي تبسميت
و ارد اخبرنك يا يمه (شوفو الوصيه الاخيره للوالده)
بعد مالي حيل للونه يا يمه شيبت يابني و كَضيت
ولو اجاك الخبر يابني ماتت امك
صدكَ مفتحه عيوني لشوفتك و من متت ما غمضيت


اتمنى ان تنال رضاكم

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مـوتـي ولا مـوـت أحسـاسـي]

يسلمووو عالموضوع الحلووو
تحياااااتوووو.

[عراقية كوول]

مشكور ع الشعر الجميل
دوم الابداع
سلمت الانامل
تحياتي