انا وابي والغربة

**AbO RiShA** · 2009-04-19, 02:21 AM

*******************
بغربة جينة وبعد فترة طاح وتمرض ابونة
وهو نايم بالفراش الناس جانوا يزورونة
لااخت لا ام عندي ليجون وايشوفونة
اهلي كلهم بالعراق وانه وياه سفرونة
يكلي ابوي اريد اشوف ولدي وبناتي يجونة
بويه حس ايام عمره كضت رايد اوعونة
وهذا طبعاً مستحيل احنة وين وهمه وين ليجونه
ومات ابوية بغربة تالي بس ابد ما غمض عيونة
اسد عينة يراه يفكهة كالوا عينة عالطريق ايريد الناس اليجونة
وتالي هلينة التراب عليه وابد ما غمضت اجفونة
جم وجم واحد تغرب ظلم مات ومنتضر باقي الاهل مثل ابونة
اخ يا ظلم البشر من ون اعي مرونة

وكفت اتذكر وانه عالكبر واكف اشلون جنة
شلون بيام الطفولة جان ابونة يدللنة
يشتغل يتعب ايجاهد لاجل ما نرتاح احنة
ابد مايهتم شيلبس لاجل النة ايلبسنة
وما يفكر بأكلة هو وهمومة ايجيب ويشبعنة
شكد حنين وجان ايبوسنة ولصدرة من ايضمنة
شمحلة ذاك الوكت جانت الدنيا كلهة جنهة النة
بس يا حسافة من كبرنة
طلب منّة انجيبلة اعزاز كلبة وما كدرنة
ومات ابونة بحسرة تالي وابد ما ينشف عليك يابه معنا
وابد ما ينشف عليك يابة معنة
• بعد وظلم عن اهلة وناسة
• بغرب ما عندة ابد ظلت وناسة
• البشر لو فكد اهلة وناسة
• اظن الموت له رحمة وشفية