تريد انساك...كلي شلون

[نونه البزونه]

تريد انساك كلي شلون انه انساك

هم شفت النهر لحظه نسه جروفه


انت كتاب كلبي واضح من اقراك

بدموع اليالي انكتبت حروفه


ياشمعه درب تضوي على العشاك

من بعيد نورك يشع وانشوفه


ياكلك حياتي وكلي انه وياك

خل حبك جرح للموت ماروفه


يل طبعك كمر واتسامر النجمات

لو عنهن غبت تتنطر طيوفه


ياحاتم كرم معروف صيتك دوم

ديوانك يرحب دوم بضيوفه


يافرحه امل لو تمر بين الناس

احس بغداد عدنه الليله مزفوفه


ياناي الحزن بيك انعزف موال

وكلماتك لحن مامنهه معزوفه


مو انت بحياتي صرت اليه الروح

وهاي الروح مثل الشمس مكشوفه


لو عني ارحلت اي حال امرن بيك

مثل حال اليتيم ودمعه بجفوفه


واكلك شوف وكتي شسوه بيه اليوم

بكليبي بقن طعنات لسيوفه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[سََـ,,ـفِــير الـَـحُبــ,,ـ]

شكرا على الموضوع الحلو والكلمات الروعه

تقبلي مروري

تحياتي&سفير الحب

[مريومه العراقيه]

نونه تسلمين على المواضيع الحلوه هاي اني صدك اتشرفت بمعرفة انسانه مثلج وما ادري شكلج بعد بس ياريت انكون صديقات وخوات تحياتي وتقبلي مروري

[نونه البزونه]

شكرا على مرورك سفير

[نونه البزونه]

شكرا على مرورج حبيبتي مريومه واكيد يشرفني اتعرف على انسانه رقيقه مثلج

[L•َِOَِ•Y•َِUَِ•S]

عاشـ،ـت الايـ،ـادي الحلـ،ـوة عالكلمـ،ـات الـ،ـروعـ،ـه
ننتضـ،ـر جديـ،ـدج
تقبـ،ـلي مـ،ـروري وتحيـ،ـاتيــــ

[نونه البزونه]

شكرا عل مرور