أحــــــــــــــــــــلى أبوذيات

[دمعة ألم]

مساء الخير





اشلون الشباب والصبايا






هاي مجموعة من الابوذيات اهداء لعيونكم الحلوات





واتمنى ان تنال اعجابكم



ادك باب اليضربك واشتمنه
واشيل تراب جدمك واشتم منه
كول أمرني حبي واتمنه
حاضر لو ردت روحي هديه





عجب دنياي تبليني بشرها
وعليه تغيرت هي وبشرها
فرح للناس شو تعلن بشرها
وانا بشراها زفت بس اذيه









نهر حب وحنان ومنشف آنه
ونزيف اشعار ينهل من شفانه
تعلعلنه بغرامك ..من شفانه؟
وتريد وياك اگوم نهد عليه!








حبيبي شكد حلو طولك وشعراك
سحرت الناس بأبياتك وشعراك
بيدي ارد المسنك وشعراك
نار الشوك هالمشتعلة بيـه






السبب مو بالي تدرس :: بالبستها
وعطر جوري اشمك :: بالبستها
تكلي ما بستها :: بل بستها
وبوستها لهسه اتبوس بية



يبو طول الحلو والعسل:: شفتك
غرامك شبكاني وبعد :: شفتك
طحت وسودنت من يوم :: شفتك
وكمت ازحف زحف بثنين ادية




وحك سورت الم نشرح والف لام
وبعد ماتنفع اعذارك ولفلام
الف منعوني عن حبك والف لام
وعشر تالاف بس تحجي عليه





كض سيفه الوكت عنكم ×بعدني
وبعهد حبكم ملتزم باقي ×بعدني
صدك تكول لب كلبي×بعده ني
وانه بركان كلبي انفجر بيه






فدوة لنور خدك خدي ريتة
واحس جسمي بنظرتك خدريتة
الجاي بنار كلبي خدريتة
شحلاتة يصير من نشرب سوية





هله يل كل عشرتي وياك00ماسات
واسكر لوشفاي اشفاك00 ماسات
الك خدين بيض اتكول00 ماسات
من احبك ينعكس وجهي عليه






حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه






وحـك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه






حبك بلقلب ياصاح .. زلزال
ومن تبعد علية ايطيح .. زلزال
اكص الساني لو وياك .. زل زل
واكص ايدي التمسك بالأذية


تحياتي

54:

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[AbO RiShA]

روووعه الابوذيات عاشت الايادي
تقبلي مروري

[nosnos]

تسلمين يا وردة روعةة

[دمعة ألم]

تدللون حبايبي نورتو الموضوع بمرروركم العطر و54:ردودكم الحلوة

[دلع المنصور]

يسلمووووووووووووووو روعة عاشت الايادي

[دمعة ألم]

تدللين حبي دلع المنصور نورتي بمرورج العطر

[مصطفى991]

الاقتباس غير متاح حتى تصل إلى 30 مشاركات
جمد كلبي على بابك مو عجيبه
عجبته وكلشي غيرك مو عجيبه
تره السبع العجايب مو عجيبه
صفر وي كارثه فركاك اليه
شهد شمام شربت شكر شفتك
شهد شلزم شعوفن شكض شفتك
شهد شاهد شهدلي بيوم شفتك
سلب روحي وتركني للاذيه

[مصطفى991]

شمالك يا ضعن بهواي شـتيت
وانا وياك بالافكار شـتـيت
اذا انت بقميص الصيف شتيت
اني مصلخ شتاك المر علـيه46:عليك الروح نص الليل ونت@
لان برغي الكلب مفتوح والنت@
ادور عليك بالقاعات والنت@
وينك يا حلو بس رد عليه

[مصطفى991]

وحق الريت و الياريت وليت
مفرع واندعي من يوم وليت
ياوالي من علية بجفاك وليت
وبعد عينك منو العينة علية


جروح شوكك بعدك ولمني
وسبب الفراك منك وله مني
بغيابك نظر عيني وله مني
كمت اوجد حرثتي بطراف ادية


روحي من الصبر طف طف وعاها
عليلة ولاخليل الها وعاها
اعاني من خلل بيها وعاها
حنينة وماتميز الناس هية




على درب الاحبة ودي اعاني
ذبح كلبي بغيابة ودعاني
بدموع ايتام شفتة ودعاني
شلع كلبي شلع ذيج المسية

[مصطفى991]

أحب اثنين بس أهلي والأعراق ..(العراق)
وحبك يا وطن بية والاعراق ..(ولع راق)
كل طيبة جذر مني والاعراق ..(جمع عرق)
من طيبة أهل خير البرية