مرتــــاح انـــي بليــــــــــــــاك...

**Romantic girl** · 2009-06-06, 08:46 PM

مرتاح انه بلياك

فرق عن الامس حسيته انه اليوم
من جيت ولكيتك مارجف كلبي

ابد مو مثل الاول من جنت الكاك
جنت ارجف واتيه حته في دربي

جنت شكد احس بحبي مثل النار
ومن اليوم شفتك .. شو برد حبي

جنت بالكوه اهرب من نضر عيناك
واحسك ويه شعري بروحي متربي

واليوم انه انضر عمدا ً الرمشيك
واجيك واقترب ... ما احسك بقربي

حرامات التعب ذاك التعبته وياك
حرامات العمر والدمع عالخدين

مو انت الذي تستحق مني الشوك
ولا انته الذي تستحق هاي العين

جنت بلا وعي لمن كلت اهواك
كلتهه بلا وعي وجنت انه اضنك زين

شفتك كالنبع مايك حنان يفيض
اسف لمن شربتك لو لكيتك طين

خليتك كحل بعيوني هاي وهاي
ابد ماجنت اضنك تاكل العينين

سحبت انه المشاعر والندم والاه
رضيت بسرعه اكون لخاطرك مسكين

بعتني بكل رخص واندارت الايام
وهسه بلا ثمن بعتك ولك بالدين

ماتسوه الحزن اه امداني شلون
حزنت انه كبل واخسرت احله سنين

علي ضل مبتعد مرتاح انه بلياك
مامشتاك الك ماريد اعرفك وين

صح انه اعترف بجفوني جنت الكاك
وهسه انه شلت من عيني الجـــفـــنــيـــن
........
بقلم الشاعر صهيب السامر

**كاردنيا** · 2009-06-06, 09:00 PM

عاشت الايادي الحلوة على الموضوع الجميل و الرائع
و ننتضر نشوف المزيد
تقبلو مروري و اطيب تحياتي

**مريومه العراقيه** · 2009-06-06, 09:18 PM

روووعه كلمات ولا ارع
عاشت الايادي
وبانتظار القدم
تحيياتي

**~_PunK_~** · 2009-06-06, 09:24 PM

عاشت الايادي عالشعر الحلو
عاشت الايادي
ننتضر ابداعاتك

**AbO RiShA** · 2009-06-07, 01:13 PM

شكرآ على روووعة الكلمات
عاشت الايادي
خالص ودي

**دلع المنصور** · 2009-06-08, 11:23 AM

يسلمووووووووو على الموضوع عاشت ايدج

**Mr.Sheevo** · 2009-06-13, 06:28 AM

مشكوره عيوني انتي على الموضوع الحلوو
عاشت اييديج
تقبلي مروري
تحياتي

**Romantic girl** · 2009-06-16, 11:30 PM

يدللو حياتي يسلمـــو عالمـــرور ونورتــــو51:

**حمكي** · 2009-06-24, 11:26 AM

يسلموووووووووو الموضوع حلووو
تحياتي

**هاشم محبة** · 2009-07-01, 02:57 PM

شوووووووووكرا خيتو فتاة الرومانسية ثااانكس 42:

الموضوع: مرتــــاح انـــي بليــــــــــــــاك...