اعرف حتى من تسكت

**مـوتـي ولا مـوـت أحسـاسـي** · 2009-06-16, 01:52 PM

اعرف حتى من تسكت كلام البيك
لان طبع الاشاره المخفي اتطلعه
******
واعرف ماتريد انسولف اني وياك
خاف اذن الفضيحه الصوتك اتسمعه
******
اعرف صرت حاير حاير بلاراي
يجي ليك العشك وبجفّك اتدفعه
******
ومن تصفن تشوف العشك صدر الطيب
تنام ابين ايده
******
يل بعدك ظلام او وحشه يمسه اليوم
ويل كلما اشوفك تنولد شمعه
******
ايام الاسبوع بكلبي محفورات
بس يمّك اتيه السبت لو جمعه
******
كتلك هاك كلبي وخلّه يمّك دوم
وحلّفتك بربك بالك اترجعه
******
صوره وجنّي اشوفك دوم وسط العين
عيني شلون شالت عينك الوسعه
******
يا فص العيون ومايهه اترجاك
تعمه عيوني كون افصوصها اتودعه
******
يل ليك الذهب شفته اعتناك يريد
من لمعة وجنتك ياخذ اللمعه
******
رخصت العمر لجلك وكتلك هاك
واخذ من العمر تسعه بعد تسعه
******
ركض كلبي عليك يريد يلزم بيك
سيل ومنجرف ياسد الي ايمنعه