مـــو غريـبـه ؟؟

**Mr.Sheevo** · 2008-06-13, 02:44 PM

مو غريـــــــبه؟!!!! ....

شخص يا دوب طق باب العشرين ويحسب خبرته تضاهي من بالخمسين
"يعمّ" بجميع آراءه الناقده الناقمه .. كنه يقول "هذي الحياه يا تلاميذ" !!
( متى عشت اصلا! )

~~~

شخص آراءه "توحيلك" بحدة الواقعيه, ومن كثر حدتها .. نافت الواقع !!

~~~

شخص يسخر من كل شي حتى من الاشياء الجميله !!

~~~

شخص يصمم على تنفيذ قراره الخاطئ بس عشان يرفع ضغط الباقين لمدة دقيقه !!

~~~

شخص يداري غلطه على الثاني بإنه يلومه !!

~~~

اب ينحرج من بناته المحجبات !!
( ما يصير يخرّبون برستيجه!! )

~~~

ام ولدها متعلق بالشغاله لدرجة انها في الاجازه سفرته معها الفلبين !!

~~~

واحد "يرابي" ولا قاله احد فلان "يزني" قال : ياويييييله من الله !!

~~~

وحده ترقص على الطاوله في حفلة المطرب الفلاني, ولا احد تعرض لها او صورها قالت :
اححححترم نفسك ماعندك خوااااات ؟!!!!
( حريه شخصيه يا عالم )

~~~

وحده معاها دكتوراه تغير اسمها من حصه الى حسناء !!

~~~

شايب يغازل !! --> فاصل اعلاني مدري وش يبي ..

~~~

عجوز مركّبه اظافر !! --> ايضا فاصل اعلاني مدري وش تبي ..

~~~

واحد يبكي سنين على فراق حبيبته, ولا سألته ليش ما تزوجتها.. قال :هـاه !!

~~~

بنت طويل العمر فلان الفلاني يفترض انها "بالغه عاقله", تمسك المقص فجأه
وتسوي عمل فني في شعر مربيتها الطويييييل !!
( تمزح معاها.. تتسلى !! )

~~~

واحد وظيفته ممتازه وراتبه ممتاز وما يحكي عن عمله الا باللعن والسب !!

~~~

وحده تقول للثانيه : انتوا للحين تحضرون عروس وترقصون؟! يااااي سوفاج
ولا انعزمت على D.j قالت: woOow coOol let's go !!
( غزو فكري )

~~~

واحد لحيته لصدره ولا طلعت اليسا قال: يا شنو هالزيييينه !!

~~~

وحده زايره ناس "لابسه من غير هدوم" , درت ان جنب هالبيت مركز هيئه.. قالت :
اووووف مزعجين الله يعينكم عليهم !!
( والله مدري يعين مين على مين )

~~~

واحد توه متزوج صارت له مشكله "تافهه" مع زوجته قال لاهله :
والله لا اطلقها وخليها تلقى احد يعبرها ذيك الحزه !!
( يبي يهينها بالطلاق شفتوا العقليه؟! هو بحد ذاته اهانه متنقله في المجتمع!! )

~~~

وحده تقترح على صاحباتها يلبسون ثياب رجاليه واشمغه ويسوون حفله,
ردت صاحبتها : بس هذا مو تشبـّه وجزاه اللعن؟!! .. قالت:I don't care !!
( مأســاة !! )

~~~