كلاوات الشباب بالتلفون!!

[مـوتـي ولا مـوـت أحسـاسـي]

هلاووو

هاي كلاوااات الشباب بالتلفونات على البنات بس ماريد احد يزعل



اول المكالمه " الووو حبيبتي تدرين اني نايم ..... بس اول مشفت رقمج طار النوم من عيوني ....

<< جذاااب بس ساعتين نوم والباقي دياحه>>

2... "حبيبتي اني جنت سهران ماعرفت انام بس افكر بيج وصافن بجمالج

<< جان سهران يلعب دومنه ويه جماعته.... ولا جتي اباله >>:

3... " حبيبتي اني احب البنيه تستأذن من تطلع لأي مكان ....من خوفي عليج لازم تخليني اعرف وين تروحين وين تجين!!!!!

<<انهجم بيتك .... سوده عليه شكد يحبهااا>>>
4..."حبيبتي يا عمري انتي
<<< اذا كل وحده عمرك...... اجمع مجموع عمرك وشوفه شكد يطلع!!!!!؟؟؟؟؟ >>>
5..." حبيبتي تدرين اني اريد اغير سيارتي مليت منها واريد اجيب نوع جديد ومحتار ...

<< وانت وين شايف سيارات بس عالنت والأفلام >>>
6..." حبيبتي شوكت تريديني اجي اخطبج من ابوج....
<<< خابريني علثريا >>>

7..." حبيبتي اريد اخلص من دراستي بالجامعه .. وبعدين اتفرغ للشغل مع الوالد بشركاته
<<<هوة ابوه عنده بسطه سواه شركات ؟؟؟؟؟؟!!!!!! لعد لو عنده عربانة مال شلغم اشجان كال >>>>>
8..." حبيبتي اني استأذن اريد اروح اجيب الاهل من المطار ... لأن تدرين السواق مشغولين والباقين ماخذين اجازه
<<< هو امه جانت تسوك من البالات >>>>>

9..." حبيبتي الباب ديندك اكيد هذا المكوي... لاني ماحب اغسل هدومي بالبيت

<< ههههههههههه اكيد الديانه يريدون فلوسهم>>>>
10..." حبيبتي انتي اول وحده تملك احساسي وقلبي وكل مشاعري , غيرتي كياني وبدلتي حياتي ...
<<< ابو الهوة ... من يا فلم حافظها >>>
11..." حبيبتي جبت لك هديه حلوه كلش اكيد راح تعجب ذوقك لاني جايبها لك من ... ارقى محل ..
<<< خامطها من البسطة مال ابوه >>>

12... " حبيبتي انتي اول بنت حبيتها بصدق واخلاص ,, وراح تثبت لك الايام

<<< اي كتلي >>>
14..." حبيبتي اشتاقيتلج تدرين اني هسه اخذت موبايلي داتصل بيج .. بس سبقتيني
<<< هوة محدق صارلة اسبوعين >>>
15..." حبيبتي حبي لك كان من قبل ماشوفك لان قلبي كان يقولي عن جمالك ..
<< صح صح صح !!!!! والله انت باقي وياها الا ان تشوفلك غيرها>>>
16..." حبيبتي .. اني اروح اصلي لانه اذن خليني الحق على المسجد قبل ما يقيم...
<<< قوية ههههههههههه >>>
17..." حبيبتي .. تعودت كل سنه اصيف بسويسرا ,, بس السنه اريد اغير لأن مليت ...

<<< سويسرا = مريدي >>>
18..." حبيبتي .. لحظه اشويه << انتظار .. شاسوي دايما تجيني ازعاجات ...
البنات ميخلوني ؟!؟!؟!؟!

<<< ماشالله مهند و احنا مندري >>>

19..." حبيبتي اريد اغير غرفتي شنوو رأيج يا لون اجيب؟؟؟ !!!! ....
<<< وهو نايم على قريوله حديد مال جيش وهدومه معلكها بالبسمار>>>

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[حمكي]

احم احم ليس الكل طبعا
ههههههههههههههه
عاشت ايدج عيوني وموضوع حلووووو
تحياتي الج

[HamaDa]

ههههههههه
يسلموووو عاشت الايادي

[أنـ..ــفآس رَجٌــل]

:q7::q7::q7:
شكرا ورده
نايس بس بسيطه

[مـوتـي ولا مـوـت أحسـاسـي]

منووورين حباااايب
:23.

[•كہاتہم الاـح°زانہ•]

ههههههههههه

يسلمووووووو

عاشت الايادي


تحشيش روعة



تحياتي

[عراقية كوول]

:q7:43:
43:
عاشت الايادي
ودي

[برنس بغداد]

هههههههههههههههههه
علكيفكم يابه
:q01:

[مـوتـي ولا مـوـت أحسـاسـي]

مشكووورين عالمرور :23.

[ابو طويلة]

احممممم اكيد ان مو واحد منهم

هع هع هع هع

عاشت ايدج موضوع حلو

تحياتي

ابو طويلة