عطال بطال يدور شغل

[•كہاتہم الاـح°زانہ•]

فد يوم شاب عراقي محدق على الاخير وايريد يشتغل خطيه كاعد عطال بطال بدون شغل شوفو شلون اول يوم بطل
تعالو شوفو الاحداث


راح للسوك ايدور شغل راح يفتر من محل المحل وماكو شغل وبالاخير وصل على ابو مطعم وحضه كعد وشغله

هذا نقاش قبل استلام الشغل (بين الشاب وابو المطعم)

- الشاب : سلام عليكم
- ابو المطعم : عليكم السلام اتفضل
- الشاب : اريد اشتغل
- ابو المطعم شتريد تشتغل
- الشاب : كلشي اشتغل بس المهم اشتغل
- ابو المطعم : شتعرف تشتغل
- الشاب : ما اعرف شي بس لازم اشتغل ورايه زواج واهل اصرف عليهم
- ابو المطعم : زين لعد تعال باجر استلم شغلك
- الشاب : شنو شغل
- ابو المطعم : اتروح على الزبون اتشوف طلباته واتوديها على الطباخ وهو ايحير بالباقي
- الشاب : ماشي اروح واجي باجر


اليوم الثاني نقاش بعد استلام الشغل
اجه زبون للمطعم شوفو النقاش شلون صار بينهم
- الزبون : سلام عليكم
- الشاب : عليكم السلام شلونك شلون صحتك شلون شغلك هناك
- الزبون : ليش انت تعرفني
- الشاب : لا بس ابو المطعم كال ساله
- الزبون : روح بابه روح , شاكو ماكو
- الشاب : والله الحمدلله ماكو شي سامع شي انشالله
- الزبون : بابه شنو السالفه اني جوعان اريد اكل
- الشاب : هاااا ,عدنه دجاج شوي دجاج محشي تكه كباب لحم غنم معلاك كلشي اكو
- الزبون : اريد تمن ومركه
- الشاب :تمن احمر ابيض
- الزبون : لا ابيض
- الشاب :عنبر بستكي بنتامي
- الزبون : عنبر
- الشاب : عنبر واحد بشخال
- الزبون : خويه انت ناصب عليه جوعان ميت جيبلي مركه
- الشاب : تبسي باميه فاصوليه
- الزبون : عمي بطلت جيبلي صمون
- الشاب : دبل شبح عادي
- الزبون : عادي
- الشاب : كهربائي حجري فرنسي
- الزبون : فرنسي
- الشاب : مدور عدل
- الزبون : عمي بطلت جيبلي مي
- الشاب : مي بارد دافي
- الزبون : حي الله
- الشاب : تشرب تسبح
- الزبون : اسبح ولك اكو واحد يسبح بالمطعم طبعا اشرب
- الشاب : كلاص طاسه
- الزبون : كلاص
- الشاب : نايلون ستيل
- الزبون : نايلون
- الشاب : معاد اصلي
- الزبون : نعن على .....
صعد عنده الضغط وانجطل
الشاب شافه انجطل كال خلي افلت
اجه ابو المطعم بوجهه
- ابو المطعم : هاي
- الشاب : سالته سؤال واحد وهذا انجطل
- ابو المطعم : كالي بسرعه روح جيب سياره
- الشاب : تكسي خصوصي
- ابو المطعم : عمي اي سياره
- الشاب : كرونه تيوته برازيلي
- ابو المطعم : تيوته
- الشاب : بيكب صالون
- ابو المطعم : بيكب شنو طليان عدنه مريض اريد اودي للمسشفى
- الشاب : مستشفى حكومي اهلي
- ابو المطعم : حكومي
-الشاب : يرموك كرامه
- ابو المطعم : يرموك

- الشاب : ولاده باطنيه كسور جراحه
- ابو المطعم : ولاده مو صوجك صوجي اني الشغلتك كتلتني ذبحتني موتتني
طوب انجطل
زين اثنين امجطلو خوما يبقه كال خلي افلت لكه دوريه مال شرطه كدامه وفات الضابط
- الضابط : لك هاي جريمه
- الشاب : عمي والله مو اني
- الضابظ : اسكت هسه اسجنك
- الشاب : بالحارثيه بابو غريب
- الضابط : بابو غريب
- الشاب : ثقيله خفيفه
- الضابط : ثقيله
- الشاب : اعدام مؤبد عشرين سنه
- الضابط : اعدام
- الشاب : شنق كهرباء رمي بالرصاص
- الضابط : شنق
- الشاب : حبل نايلون سيم
- الضابط : الله اكبر رميا بالرصاص
- الشاب : مفرد صلي
- الضابط : بالكهرباء
- الشاب : وطني مولد
- الضابط : لا وطني
- الشاب : ثري فيز سنكل
الضابط طلع مسدس وطك روحه جيله الشاب طبعا انهزم خوما يبقه

انتظر التقييم

تحياتي

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[AbO RiShA]

ههههههههههههه
هاي شايفها بالتلفزيون
مشكوووور ورده

[برنس بغداد]

ههههههههههههههههههههههه
اويلي يابه دخت
مشكور ورده

[بنوتة]

هههههههههههههههه
ثانكس

[•كہاتہم الاـح°زانہ•]

هههههههه

يدللوووووووووووو

شكراً على المرور

تحياتي

[TQ_TQ]

والله عمي سلوووووووبك كلش خوش سلوب توب كلوب و فوك النخل
بس شني رحمه لوالديك اسمك بل عنكلوزي اول شي من اسمك ما عرفت اقرا
بس عرفت اقره بوي
رحم لنبي ترجملي ولو راح اسوي عليك زحمه

[•كہاتہم الاـح°زانہ•]

هههههههههه

حبيبي اسمي كول بوي

و شكرا على المرور


تحياتي

[StaY WitH Me]

ههههههههههههههههههههههههههه
شكراااا

[•كہاتہم الاـح°زانہ•]

يدللووووووووو

شكراً على المرور

تحياتي

[ابو طويلة]

هع هع هع هع

تحشيش حلو عاشت الايادي

تحياتي

ابو طويلة