دارميات عراقية

**دمعة ألم** · 2009-06-24, 01:46 PM

دارميــــــــات عراقية

شاعرنه من ايموت الكل تذكره
وعايش تشوفه الناس لكن تنكره

صح انته ما معروف بس والله شاعر
وبگد نفوس الصين عندك مشاعر !!

سلاني سل فرگاك ذوبني شمعه
وضلوعي ثق تنشاف من غير اشعه !!

موخوه لا غلطان لا مو صداقه
استاذ وي تلميذ طبع العلاقه !

خابرتك انه اهواي ما خابرتني
بس لا صدگ زعلان ما جاوبتني ؟

تشتاگ الى ساعات بس اني والله
اشتاگ الك كل يوم گد رحمة الله !

كل ما احن واشتاگ تعرف قراري
بس صورتك يا زين تطفيلي ناري ؟

نعسان بس مو نوم وبشوفك اصحه
تگدر تكمل البيت تگدر توضحه؟!

اتمنه هذا الكون بس انه وانته
تدري شسوي بيك خليهه سكته!

تدري شكثر مشتاگ ماصدگتني
گد ما عدد دگات گلبك تحبني

غيرك تظن محبوب سكنته روحي
لو دورت بالروح تلگه انته روحي

مشتاق الك مشتاق موت اشتياقي
وشما كتب ضرغام تبقه انته راقي

ماچذب الي گال عندي ابدالك
صح انه احب اثنين انته وخيالك

الشاعر چذب ما مات عايش بالگلوب
مثل الضوه ياناس عاشگته الدروب

اتمنه هذا الكون بس انه وانته
تدري شسوي بيك خليهه سكته

تكتب يريت الناس واتمنه تقره
واحلم يمرنه العيد ماعدنه فقره

وجهة نظر للعين واتگول موعيد
وتعيد بملگاك وبشوفك اتريد !

صدگني انته استاذ وتعلم الناس
معنى الوفه والطيب يلكلك احساس

للشاعر الديواني
ضرغام العراقي

تحياتي الكم جميعا
ان شاء الله ينال اعجابكم

احدث المواضيع:

**عراقية كوول** · 2009-06-24, 01:56 PM

غيرك تظن محبوب سكنته روحي
لو دورت بالروح تلگه انته روحي

الله الله
صح لسانج حبيبتي
مشكوره على المجموعه الراقيه والكلمات الروعه
تسلمين يالغلا لاعدمناك
خالص ودي