شاكيرا شاكيرا

[قناص الحشاشة]

شاكيرا شاكيرا


طبعا شاكيرا طركاعه من تكو تهز هز تكول عبالك الحرس الجمهوري الايراني وهجم على نهر جاسم الذي يقع في البصره
علما انه نهر جاسم جان المسئول عنه العميد الركن سعدي الحلي ومن صار الهجوم على نهر جاسم خابرت القياده على سعدي
الحلي وكالت شنو الاخبار سعدي كال والله سيدي نهر جاسم النهر صار بيد الايرانين بس جاسم فلت مني
طبعا ماطلعنه من صلب الموضوع لانه سعدي الحلي فنان وشاكيرا ايضا فنان


طبعا شاكيرا من تهز وتلزم المنخل يمكن من هزها بالدقيقه تنخل اربع كواني طحين مال حصه واطلعه نمره صفر


المهم شاكيرا من تهز ابطنها اطلع كهرباء 2000 واط ولا محطة الدوره لتوليد المهرباء حتى مره خطيه ابو رزاق كال
لمرته ام زراق ماتهزين مثل شاكيرا وتنطينه كهرباء ماعدنه فلوس نشتري مولده وهي خطيه عدها كرش تحب دائما تنكع
خبز وماي وتاكل وهي تسمع قصه الفلم من جوارينها ام شلتاغ لانه ماعدها كهرباء تتفرج الفلم فتحلف جوارينها بالعباس
تجي تحجي الها فصه الفلم لانه حوارينها عدهم مولده لانه زوجها يشتغل بالبرلمان واموره عدله


المهم كامت تهز بطنها ام رزاق وابو رزاق يشجعها هز ياوز هز ياوز وخيه تهز هسه تجي الكهرباء وماكو
تهز وماكو خطيه تعبت تهز وماكو تاليها زوجها كالها لا تهزين بس البطن هزي بجتافاتج وي البطن بلكت
تجي الكهرباء وخطيه تهز وماكو نهز وماكو تالي ابو رزاق كال هزي وياج الرقبه بلكت تجي الكهرباء
وخطيه كامت تهز البطن والجتافات والرقبه وهم ماكو كهرباء تالي ابو رزاق كال بقه الامل الاخير هزي
جسمج كله وخطيه صار جسمها كله يهز وهسه تجي الكهرباء وماكو تالي ام رزاق كالت ابو
رزاق خلي اردح ردح العماره بلكت تجي الكهرباء من جسمي جان يكلها شبيج ثوله هي العماره ولا شويه
كهرباء عدهم كلها تردح وماكو وخطيه ام رزاق تصيح ولك تعبت كلش من الهز وخطيه وكعت بالكاع
اغمى عليها وداها للمستشفى الطبيب كال لازم نسوي عمليها الها نرجع البرنكرياس ابمكانه ونرجع الكبد
الى مكانه والمخ مالتها وكع بالمؤخره وخايفين يصير عدها اسهال يطلع المخ منها لانه المخ صاير تشريب
من وره الهز مالتها


وعندك ام سعدون هاي لزكت تريد تصير شاكيرا شاكيرا بس زوجها ابو سعدون كالها شبيج اتخبلتي
ولج عيب بالعشيره شنو يكولون عليج منحطه ماتستحي جان ام سعدون تكله حدد شنو منحطه
منحطه مال بانزين لو منحطه مال كهرباء ولزكت الا تهز بطنها مثل شاكيرا وكالت بس ربع ساعه فدوه
وجان اطلع بطنها وكعدت هزت هز رهيب خطيه وره ربع ساعه الصره مال بطنها وكعت وادحرجت
بالكاع الصره وطلعت بالشارع الصره ادحرجت وطلع ابو سعدون يدور على الصره
ويغني للصره مال ام سعدون ويكول صرة ام ياصره من عين البشر محروسة محروسة محروسة


فشاكيرا تره خبلت النسوان خلتهن يقلدنهن بالهز والنوبه عبالها من تهز لزوجها مثل شاكيرا
تكبر بعينه لا هذا غلط المفروض الزوجه وي زوجها بالغرفه مالتهم تلبس جبه وبوشيه وعلقجين
وغتره وشماغ وبرقع وجيس نايلون اسود على راسك وكعدي اكبال زوجك اكيد زوجك راح يكون
يهز بيده مثل ماتهز شاكيرا بطنها

هع هع

قناص الحشاشة
عاشگ ومفلس

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[MARAD ALEMDAR]

ههههههه
مشكور حبي وعاشت ايدك على الموضوع الخفشاري
تحياتي الك

[RoRo For EveR]

هههههههه

ثانكس على الموضوع