عراقي يعتذر لحبيبته بطريقته الخاصه.....

[نونه البزونه]

هاي القصيدة عراقي يعتذر من حبيبتة عجبتني كلش وان شاء الله تعجبكم.....

ما اكَدر أخدعج ,, وبقا اَنه وياج ,,
لأن فرق السما البينج وبيني ,,


أنتي بديره ما مرها الحزن والاه ,,
وانا بديره غربه ومظلمه اسنيني ,,


ما اكَدر اوعدج باللذي ترديه ,,
ليش اكذب عليج ارجوج تنسيني ,,


عسر الحال هلدمر فرح دنياي ,,
وركض جبت العمر من دون كل جيلي ,,


شلون انطيج كلمه وانا مرهون ,,
رهن حكم القدر والقهر لاويني ,,


دنيايه عباره عن جمع حسرات ,,
حسره اتذل حسره بآه تاذيني ,’


اريد ابعد لان حالي صعب فد نوب ,
تفلش دار كَلبي وكل حياطيني ,


يطير الحب شجابك عاشرت لغراب ,,
واجه حتى البوم حن اليوم ينعيني ,,


وج دمعي نهر حت للفرات أسكَيه ,,
ودجله اتفيض كل مره بدمع عيني ,,


فلح زرعت نخل من جاري هاي العين ,,
وانا ذاك الشجي الحركَوا بساتيني ,,


شتانين مني وانا كومه ارماد ..
عطر دخان صاير من تشميني ,,


مو انتي ورد اشجاب الورد للشوك ,,
وانا عاكَول صاير لو تكَطفيني ,,


وحكَ ربي احبج لاجن ارجوج ,,
دينج ما يوالم بالهوى الديني ,,


لأن أنا بوطن يوميه اخ مذبوح ,,
يوميه فجيعه ابكَلبي تجويني ,,


ما عندي مجال أصفن ولو لحظات ,,
من اصفن تكَص بيه سجاجيني ,,


لأن عدنه الي يصفن يصفه مقتول ,
ولاجن اليموت اسلام جن صيني ,,


كلها اتذبح بولد النشامه اليوم ,,
ذبح اخواني ذبح الشات يا ذيني ,,


وبعد هذا ممكن تعذري ابعادي ,,
شوكت افرغ واحب شوكت فهميني

00000000000000000

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مريومه العراقيه]

الله الله الله
روعه روعه روعه
تحياتي الج يامبدعتنا
تقبلي مروري

[Metal_Hero]

اووووووووووف اوف

شلون بهالدنيه

تحياتي نووونه احلى مواضيع واحلى قصايد واحلى شعر واحلى خواطر

شغلج مو طبيعي خليج هيج بالمنتدى دائما راوويينا ابداعج

شكرا تقبلي مروري

[L•َِOَِ•Y•َِUَِ•S]

شكـرا من الأعماق
تحتار الكلمات حين تقابل
روعه هذه الكلمات ..

سطور ذهبيه نقشت
اسمك في عالم البوح ..

حروف عانقت السحاب
وحلقنا معها لحدود النجوم..

كلماتك أبهرتني وهي بمثابه

المشاعر الورديــه الصادقــه ،،

اشكر لك ولقلمــك الذي

نزف لنا حروف
أظهرت الإبـــــداع

[CoOoL G!rL]

رائع ما خطت يداكي
شكرا
تقبلي مروري