سواد الليل

**وسام الجبوري** · 2009-09-15, 12:48 AM

الــبــيــتــنــجــان

أسود سواد الليل والزلف أخضر واللمعة چن روغان والريحة عنبّر

غلطان اذا ظنّيت بالشتا ننساك رسمك ثبت بالعين والطاوة ويّاك

بالحمس بالتركيب بالمرگة شفناك موّتِت كل الناس من بعد فرگاك

چذاب كل من گال متفيد، مغثوث يمنشّط المصران يمصبّغ ال tooth

بالدهن من غطّيت نشّفتة كلّة سعر الدهن ياناس سوّالي علّة

يروح السمج والبيض واللحم فدوة لعيون بيتنجان بس هوّة يسوة

أسود بعين الناس بعيوني تبني واحد من اهل البيت حِسبتك إبني

هم طرشي هم تگلاه هم شيخ محشي مثل الذهب يا ناس بالسوك يمشي

يالتحچي عالروغان تستاهل إعدام لو فارگتة العين ماتگدر تنام

اسود سواد الليل بس گلبة ابيض أدري الطماطة تفيد بس إنتة افرض

لو وجبة ما الگاك صدّكني أمرض من كثر اللي بيك سوّيتة معرض

زاير بيوت الناس والبيت بيتة لو بيدي ياهالناس ماكشّريتة

لو تحجي ياهالناس هالمعدة گالت جيبولي بيتنجان الفرگة طالت

گطّعتْ ورد البيت وزرعتك إنتة حيّرني اللغز إلبيك ومافهمتة

دار الزمان ودار وبقيت إنتة والباقي ياهالناس خلّوهة سكتة

گلبك صخر جلمود يالگشّريتة موچنت تبچي دموع مِن فارگيتة؟

لو يصعد الدولار هم هذا أزود حسبالك البترول، الذهب الاسود

شگد حاول العدوان يفرض حصارة مايدري وحش الليل سوّالة جارة

يالدزّك الرحمان للناس رحمة أتخيّلك بالليل بالطاوة لحمة

بگد ما بليت الناس من الله يبلاك إبتعد عنّي روح، ارجوك يا black

ما اظن اني بيوم اگدر اعوفك لوما كتلْني الجوع ماجنت اشوفك

العظم اسود صار وحتى الخلية من سمع بيتنجان بالصيدليّة

يوميّة ناخذdose ، شو صار إدمان؟ إتعوّدت عليه وهسّة اني ندمان

القرحة بالامعاء والمعدةulcer وماي العمى بالعين والگلب cancer

وكافي بعد ياناس، مااگدر أحچي لو شفت بيتنجان هاليوم أبچي

**R~e~m~o~n~d~a** · 2009-09-15, 02:37 AM

ههههههههههههههههه
قـصيـدهـ حـلوه وـالله
وـالله شهيتني بالبينتجآآنـ
ع ـ،ـآآشتـ ـأيدكـ
ج ـميلـ ماطرحتـ
ودـي لكـ
◘ ◙

**CoOoL G!rL** · 2009-09-15, 02:59 AM

عاشت ايدك يا ورد
عالكلمات الروعة
تحيتي

**عراقية كوول** · 2009-09-15, 05:47 PM

ههههههههههههههههههههههههه
مشكور ياورده
اي شهانه بالبيتنجان هع هع
تسلم ع القصيده الجميله والرائع
اسمحلي بوضعها في المكان المانسب
مودتي وتقديري

الموضوع: سواد الليل