ارجعيلي يا يمه

**IRAQ_SNIPER** · 2009-10-08, 04:44 PM

ارجعيلي ييمه الدمع مو طاح

يمة وداعتج صدكيني ما مرتاح

كظة عمري وحزني ما خلص فد يوم
ولا ريحة فرح تكتل بعد لهموم
شنهو الي جره معقولة ابقه دوم
ضايع والفرح سد بابه يمة وراح

يمة وداعتج صدكيني ما مرتاح

بعيده انتِ علي يا يمة سمعيني

محتاج لحنان ارجوج حضنيني

ييمة فراكج وبس اليبجيني
خلص صبري ييمة والدمع ساح

يمة وداعتج صدكيني ما مرتاح

أنتِ أمي وانتِ عمري وكل حياتي

أنتِ شمعة التضوي دربي لحد مماتي

إدعي من ربي يحقق امنياتي
ونعيش براحة يمة وآمن وافراح

يمة وداعتج صدكيني ما مرتاح

يا شدة ورد ندعيلج بكل يوم

بعدج ما حله بعيني ييمه النوم

صارت فركتج مرجع اليه هموم
يمة بشوفتج كل همي ينزاح

يمة وداعتج صدكيني ما مرتاح

يمة وداعتج صدكيني ما مرتاح...

**nosnos** · 2009-10-08, 09:28 PM

الله الله ابدعت يا وردة
عاشت اناملك
تحياتي الك

**حمكي** · 2009-10-08, 10:38 PM

مشكور ورده
عاشت ايدك كلمات روعه
نتظر المزيد من الابداع المتواصل
تحياتي الك

**دمعة ألم** · 2009-10-09, 01:52 AM

روعة
عاشت اناملك على ماخطت من ابداع
واحساس صادق
تحياتي الك
تقبل مروري
البسيط

**برنس بغداد** · 2009-10-09, 01:53 AM

عاست الايادي عالكلام
الجميل
تحيااتي

الموضوع: ارجعيلي يا يمه