أهمية الجل بلنسبة للشباب عااااااااااا

**دمعة ألم** · 2009-10-08, 04:24 PM

(الجل)
وهو المستحضر السحري السائل العجيب ذو الفوائد الخمس عشر
فهو يرافق الولد من الروضه حتى ان يصبح اصلع طبعا وهذى الجل رفيق درب الشباب وشايل همومهم
فالولد النظيف يكعد الصبح يغسل ويخلي شويه من الجل حتى يسوي اسبايكي ويوكف شكم شعرايه
والشاب الوصخ وشعره مدهن يجيب ويلطخ الجل فوك الوصخ حتى يصير ابو اللمعه ويامكثرهم
الجل له الشروط المهمه ومن اهمها اذا وصلت العلبه للنص لازم يشتري علبه والا تصبح مصيبه كبيره.....
واذا واحد من اخوانه الاعزاء ما التزم بهذة الشروط الجوهريه فهو راح يتحمل العقوبات وذنبك على جنبك لان مستحيل يطلع لراس الشارع حتى يشتري بدون ميحط السائل المخاطي العجيب على راسه فانه يلجا الخاص بحالات الطوارءويركض للمطبخ على تنكه الدهن وياخذ شويه ويدهن راسه وهو دهن الحصه ابن عم الجل
يعني ماكو فرق بين الكرايب بس الجل يحتاج الى رشه عطر وانت وحظك لو يسيح لو يطلع دهن مستورد

وهذى كله بسبب ان لايفقد لقب الشاب المجليل
وعلى كوله الشاعر.....
كل شي بسبب الجل يهون
حتى لو جان دهن معجون
امشي بالشارع ودلل
لانك شاب مجليل