لا تــــخـــــجــــل

[nosnos]

لا تــــخـــــجــــل

ســولــف كَــول الك واهــس تظــل ويــاي
واذا مــا الـــك واهــــس كــول لا تــخـجـل

مــا اقــبــل احــــبــك وانــت مــا مــرتـــاح
ومــا ارتــاح احــبــك وانــــت مــا تــقــبـل

اذا متــشدنــي بـيك وبــيه اشـدك حـيل
انــحل بالــسهـل مــن عــنــدك وتــنــحل

بكــيفك مـن اجيت ومــا جبـرتــك يــــوم
ومــا اجــبــرك بكــيفـك لــو ردت تــرحــل

فــكــر بــاليـهمــك والــــمهــم شــتــريــد
انـــه كــل اليــهمني الــمهـم لا تــزعـــل

مــا ملــيــت مــنــك اكــدر ابــقــه ويـــاك
بــس الـمشكله خـــاف انـــه راح انـــمل

ميهمني الدرب صار امشي بيه اسنين
ما اندل جـنت بـس هسـه كـمـت انــدل

ومـا اكـولـن خـساره الـراح مـني ويـــاك
وي كـلـمن تـحبـه الـــروح مـــا تــبــخــل

روحــي الــحبـتــك تتــحــمــل بــلــيــاك
ومــا يــنــقــص صــبره بــغـيبتــك يـكمل

مـجنون انا نـعم بس تدري روحـي اشلون
تـنجـن بــالعشك وبــلا عـــشك تــعقــل

وتــعرفنـي ولــو عــندك شكــوك هــواي
وادري لــك شـوكــك جــان عــندك حــل

من شفتك سنابل روحي اجت ترويـــك
مــاي ولا تــضــن اتــصيــرلــك مــنجـــل
.......................................

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

نثرتي فابدعتي
دمتي بهذا الابداع المتميز
تحياتي الج
وردة

[العميد نهاد العراقي]

تسلمين يا مبدعه
على الشعر الرائع و الجميل جداً
سلمت اناملك و سلم لنا قلمك الذهبي
لاتحرمينا من جديد اشعارك المميزة
واصلي ابداعك
تحياتي
العميد نهاد العراقي

[nosnos]

يدللو نورتو القصيدة
بوجودكم الحلو
تحياتي الكم

[حمكي]

عاشت ايدج وردة
كلمات رائعه
دوم الابداع والتميز
تحياتي الج وردة

[ملاك الحب]

كلمااااااااااات روعععه عاااشت الايااادي ورده كولش كولش حلوووة