جرحوني بكثر - الي نسلتها * angel love * \ الشاعر مهند الهاشمي

[الشاعر مهند الهاشمي]

جرحوني بكثر خلوني ابلع موس وانه ويه الجرح اتفاخر واشدي
واذرف بالدمع واجمع جروح الصاح واغسل بالگلب دمع الغسل لحدي
انا شما غيراني الوكت والضيم اضل اصل الوصل واتماسك لوحدي
انا الما خفت غدر الوكت فد نوب بس اعرف خويي واعرف العندي
موكافي چذب خليني احجي الصار واتعلم درس وارسمهن بخدي
وادرسهن عدل واجوي دليل الخان لانه شما صعد ما يوصل لحدي
اقسم بالوفه ما ضيعت فدواي طبع ماي المقل شايلهم واهدي
بلكت غزرت وافرح من الاگي الصاح واشتل للورد واصلي الورد وردي
خلوني اعترف واحجي بصراحه شصار صاح الوكت لايرحم ويهدي

خلوني بصمت ويه الجرف مرتاح ما اصير البحر ومعانك لسدي
خلاني الوكت اكتب شعر للناس لان هذا الجرح موش القصد قصدي
اقلامي العلت وانه البقيت الماي اتگطر ندي وما اجفل بسدي
مسموع القصد كلكم عرفتو شلون بس انه الحرت ليش الشعر حدي
مرسون وعذب مايعله فوك الناس بس اليستمع يحجي بسمع ردي
ماهمني الحجه ولابطليت دواي لان داوه الجرح وصار القلم ودي
الشاعر مهند الهاشمي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[nosnos]

عـــــــــاشت ايدك
وسلمت اناملك
ابدعت
تحياتي الك

[الشاعر مهند الهاشمي]

شكراً للمرور العطر نورتي القصيدْه
تحيايت الج

[العميد نهاد العراقي]

اخي العزيز الشاعر مهند الهاشمي
اشكرك جزيل الشكر على هذه القصيده
الرائعه و المميزة بكلماتها و معانيها الجميله
و اعتذر نيابتاً عن انجل لوف
لنشر القصيدة و عدم كتابتة حقوقك
و ان شاء الله متكون زعلان علينا
و احنه ننتظر كول قصائدك المميزة
و اتمنى ما تبخل علينا بالقصائد الجميله
و تحياتي الك من اعماق قلبي
منوور المنتدى يالغالي
تحياتي
العميد نهاد العراقي

[الشاعر مهند الهاشمي]

اتشرف بوجودي بينكم اخوي العزيز
وان شاء الله ما صار الا الخير
ورسلم رابط موضوعها علمود ينزال من قبل الاداره
حتى لا تستمر سلسلة سرقة هذه القصيدْه بلا قصد
ان شاء الله ما اقصر وياكم بكلشي
تحياتي الك يا طيب