مو عطري

**nosnos** · 2009-10-30, 05:55 PM

احضني مخدته ونامي واتركيلي دمع يجري

وشميها بمحبه وشوكَ عطره البيها مو عطري

جنت راسم هواج احساس واشم بيج الهوى العثري

وجنت متصورج دنيا واعيش بدنيتج عمري

اثاريني جنت مخدوع مريض , مصخن , يهثري

ما ادري وصدك حبيت ما حبيت لو ادري

تكوليلي احب عطره واحب وياه كل ذكرى

واموت بظلمته ونوره واهيم حلوته ومره

واني اكست ولا احجي لان مخنوكَ بل العبره

صدك غيري سكن كلبج وصدك واني طلعت بره

الف استغفرك ربي على لساني اجت كفره

يعني لحضنه تشتاقين يعني بجيته تحلمين

واني احلم بأثر رجلج اذا من يمي تتمشين

عيني التحلم بملكاج كون اعميها هاي العين

وكلبي الي يحبج موت كون بداخله تموتين

حتى من اشم عطرج انكرج اكول هاي منين

يلي من عذاب الشوك رف الجفن ما تسوين

**HamaDa** · 2009-10-30, 06:32 PM

موضوع في غاية الروعة
عاشت الايادي
تحيتي

**ميما الحلوه** · 2009-10-30, 07:43 PM

يسلمووووووووووووووو

**دمعة ألم** · 2009-10-30, 10:15 PM

رووووووووعة
عاشت اناملك الذهبية على ماخطت من ابداع متميز
تحياتي الج
تقبلي مروري

**nosnos** · 2009-10-31, 08:47 PM

يدللو نورتو
القصيدة
بموركم العطر

**Miss Alrassam** · 2009-10-31, 11:47 PM

عاشت ايدج وردة
دمتي ابداع
تحياتي الج

**nosnos** · 2009-11-01, 05:12 PM

يدللو نورتي
وردة

الموضوع: مو عطري