شابع نوم

[حمكي]

شابع نوم

**********



هلي بيه درو كمت انه احـــبك ............ ودرو بس انت تلفتلي انتـــــــباهي
هلي سئلوني عنك كلت بالروح ............. سئلوني على روحي وكلت ماهـي
وهلي يدرون من تزاعل اوياي ............. اظل اصرخ _ رحمتك يا الهي _
انت هواي متغير هليــــــــــــام ............. والبراسك حجو انه اعرفتــــــــهم
نفسهم هم اجو وتقربـــــــــولي ............ دكو باب كلبي وطردتـــــــــــــهم
لأن تقديرك انت فوك عالــراس ........... احطهم وين انه لو قدرتـــــــــــــهم
انت ما تجي بس انه اشوفــــــك ........... وهم اشد اجو بس ما شفتـــــــــهم
لجل حالك انه بهذلت حـــــــالي ........... وحالي يكول يالله المهم حـــــــــالك
ودلالك زاد زيدلي اذيـــــــــــتي ........... واذيتي جماله هم اتحب دلالـــــــك
وذا انت تكول مو من حقي اصد لك ...... خيالك هم حلو انصد الخـــــــــيالك
ويميني جاهزه الشبكت يمــــنتك ........... وشمالي خدرت وتنطر شمـــــــالك
شابع نوم ما ضل حيل بالحــــيل ........... رجف كلبي من برودت جـــــمالك
يشابع نوم والله قرايه قـــــــاريك ........... ومدري شمالني وادري شـــــمالك
يشابع نوم ماكالولك اشــــــصـار ........... بغيابك ايدي ما رحمت ابــــكصتي
خصيصا لأجلك كلبي مخـــــلوق ........... واظن الخاطرك تمت خــــــــــلقتي
انه خايف لأن انت بـــــــــالعيون .......... وخاف من ابجي تنزل وي دمـــعتي
شابع نوم انه شابع بجي عـــــليك .......... وما همني البجي ودمعي وعــــبرتي
انه خايف لأن انت بــــــــــالعيون .......... وخاف من ابجي تنزل وي دمــــعتي
شكالولك قبل عندي عـــــــلاقات ؟......... وغيرك عاشك انه هواي اســـــــامي
عشكت غيرك نعم بس تدري شلون ........ عشكتهم مو صدك وانه بــــــــحلامي
وانه عندي قصد حبيت غـــــــيرك ......... حتى امتلك خبره في غـــــــــــــرامي
صار سنين احضر واقره لـــــهواك ........ وصار سنين احضر في كــــــــــلامي
لأن ميصير احبك مثل غـــــــــيرك ........ وانه الضامك لأخر أيـــــــــــــــــامي
وانه الحبيتهم جانو بــــــــــــروفات ........ حتى انت تظل مسك الخــــــــــــتامي
ومو بس ابرضاك اتــــــــولعت بيك ........ ابخصامك حيل متولع .. خـــــصامي
احبن شنو بيك واكره كلشي مو بيك ....... لذلك كمت احبك عامي شـــــــــــامي
شسولف عن محبتي ما تـــــــــصدك ...... انه بنفسي ما صدكت محـــــــــــــبتي
اجه سيفك علي ميلت عــــــــــــــــنه ....... ما قبلت علي زعلت ركـــــــــــــــبتي
يشابع نوم ما جيتك بالاحــــــــــــلام ........ وانه ما نام وحلم بيك صـــــــــــــاحي
علي كمت اندعي كون انــــكلب كاع ........ لأن كالولي لازمك مســـــــــــــــاحي
حسرتي عليك ريح اتكطع اشـــــــجار ...... وكذلتك يمكن اتوكف ريـــــــــــــاحي
بصفاحي بقه بس اثر ســـــــــــــهمك .......... ولأن سهمك طلع افرك بـــــــراحي
واثر سهمك لأن بس بالصـــــــــفحتين ...... السلم من جسمي ظل يحسد صـــفاحي
عليك اتطوطحت صاحي مو سـكران ........ انه اول محب سكران .. صــــــــاحي
دوام اهل المدارس وكت واحــــــــــد ........ ودوامك بالكلب عصري وصــــباحي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

واو واو
روووووووووووووووعة
عاشت اناملك الذهبية على ما قدمت من ابداع متميز
واسلوب راقي
واحساس مرهف
ومشاعر صادقة
تحياتي الك يامبدع
لا تحرمنا من جديدك المتميز
تقبل مروري البسيط

[nosnos]

روووووووووووووووووووووووعة
عاشت ايدك
وسلمت الانامل
تحياتي الك

[ميما الحلوه]

يسلمووووووووووو ورده ع الكلمات الروووعه

تحياتي

[حمكي]

منورات بنوتات
شكرا على المرور الحلووو
نورتو الموضوع
تحياتي