((تذب شفتّك))

[L•َِOَِ•Y•َِUَِ•S]

الشاعر المتألق ميثاق الهلالي وقصيدة ((تذب شفتّك))




ماتستاهل ابچيلك حرامات
ولاتاخذ بعد من عيني دمعه

چنت ازرع ورد بس هسه مجبور
حته الباقي منهن راح أشلعه

أيس مابقتلك يمي اسرار
وحته اليدگ باب الروح ادفعه

بقى يمي الشمع بس ذوبه الليل
وانه متاني الصبح يطلع واشيعه

عرفتك ثوب بس ماتستر العيب
المايرهم علي مجبور انزعه

چنت اخجل واعبرلک حچی هوای
واعرف بي چذب بس گلت اسمعه

وهسه أتگطعت وياك الدروب
وبقه درب الخجل بلساني اگطعه

كرهتك كثر ماودعت الشموع
شمعه بعيني تحله وتطفه شمعه

چنت كبر الجرح شايل معاناة
وصدگ چان الگلب من ينعه ينعه

چن داخل حسن لو طلعت الاخ
وتطلع روحي الك وتردهه فدعه

حسبّتك رقم من لمعة البيك
وين ادري الصفر هم ينطي لمعه؟؟

وين ادري الغصن بيه يركض الموت
وعلى عش المحنه يودي الافعه

باچر راح اچفن كل الجروح
ونعش الذكريات براسي اشيعه

وباچر راح اهدّم بيت الدموع
وابني من الفرح بعيوني قلعه

وتذبل شفتّك وترد الي زحوف
وانه بچفي النهر وبكيفي اگطعه

وأگلك كلشي مات اللهفه والشوك
محال اليندفن تگدرترجعه

وسود تصير كلهه ايامك البيض
وينذل خاطرك ويعض اصبعه

مثل ماجرعتني بكاسك الموت
كاس الذل شرط باچر تجرعه
كاس الذل شرط باچر تجرعه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[نونه البزونه]

الله تسلم ايدك شي اكثــــر من روووووعه

[L•َِOَِ•Y•َِUَِ•S]

يسلمـ،ـو وو علـ،ـه مـ،ـرورج الحـ،ـلو وردج الاحـ،ـله
تحياتـ،ـيـــ