أرجع يالرحت بعيد عن بغداد.,.,

[ميما الحلوه]

أرجـع يالرحت بعيد عن بغـداد
وسكنت هناك دولة ما هي دولتنه

حقك من رحت جان الوضع مو زين
تفجيـر وقتـل وأرهـاب موتنه

بس هسه الوضع مو نفسة ذاك الجان
عراقييـن كلنا وهـاي طيبتنـه

بعد ماكو جوادر مأتم وأحـزان
كبل جانت كبل بسنين شدتنـه

عبرناها الشـدايـد والحمد لله
وهالدمع اليصب هذا دمع فرحتنه

كافي من الغرب مو صار خمس سنين
مل حتى الغـرب مو كثر غربتنـه

أرجع للأهل للصحبة والأحباب
نلتم مـن جـديد يا محلة لمتنـه

أرجع للنجف لدهوك والأنبـار
لتكريت وسماوه أرجع لبصرتنه

أرجع للفضل للثورة والنعمان
مناطقنه اصبحت والله جنتنه

يــا دجلة الخير يا أم البساتين
أرجع وأرتوي من ماي دجلتنه

أضربلك مثل صغير عن بغداد
حاول تفتهم وتشوف حيرتنه

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه

أرجع والنصر والله يعود وياك
وبيدك هاي بيدك شيل رايتـنه

أدري أنت وفي وأدريك ما مرتاح
وتصيح الله واكبر لغربة ذلتنـه

وأدري أنت أصيل ومعدنك يا نوع
وأدري انت الشهم والغيرة فزعتنه

أفرض بالغرب لاكاك ملك الموت
وبتراب نزلت ما هي تربتنـه

درجع والجواز هناك شمرة بعيد
ومزكها الأقامة وهاي فرحتنه

أرجع والفرح ينتظرك ابغداد

أرجع و الوطن محتاج وكفتنه

أرجع و الوطن محتاج وكفتنه

تحياتي

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[الماسة الزرقاء]

عاشـــــــــــــــــت ايدج يا ورده
بس شيرجعنه على الضيــــــم
الله يفرجه عليك يا عراق
تحياتي الج

[ميما الحلوه]

يدللووو ورده منوووره

[دمعة ألم]

روووووووووووووووعة
ان شاء الله يرجع يلتم شمل العراقين
تحياتي الج
تقبلي مروري البسيط

[ميما الحلوه]

انشالله
يسلموو ورده ع الرد الحلو
منوووره

[الوردة البيضاء]

قصيدة رائعة جدااااااااا
بس مثل مكالت الماسة شيرجعنا تحياتي الج تقبلي مروري البسيط

[ميما الحلوه]

يسلموووو ع الردود الحلوه منوووورين