دايسكي يصارح والعلس على الهوويه ولك خالوووا **

[منوشه]

قصة حب دايسكي وهيكارو
فد يوم من الايام داسكي ضايج فد نوب و كلبه دا يحترك يريد يصارح هيكارو بس مستحي ضل يفكر شلون شلون شيكول شيحجي فكر زين و حفظ الحجي وراح على هيكارو جان يكلهة : هيكارو عندي شغلة وياج تكدرين تجين للمزرعة الساعة بـ 12 بالليل
هيكارو كالتلة: لا عفية ما اكدر عيب اني بنت عرب و عيب هل سوالف وبعدين اني اخاف من ابوية
داسكي كال: يمعودة السالفة مو اكثر من خمس دقايق المهم قنع البنية تجي للمزرعة

والله صارت الساعة 12 جان تجي هيكارو للمزرعة لكت دايسكي

هيكارو كالت: احجي شتريد عالسريع ترة ابوية يفز بليل يتفرج على صحون المنيفو
توة دايسكي دا يريد يصارحهة جان هيكارو تصيح يمة دايسكي شوف القمر صاير لونه احمر
(تعرفون من يصير احمر و هل كلاوات مال الكارتون)


جان دايسكي يكول: ولك هو اني حديقة هسة وكتك يا فيكا الكبير مو توني دا اريد اصارح
بهالاثناء جان يجي دامبي للمزرعة



دامبي كال: ها ولك دايسكي لكفتك اليوم اصمط جد جدك تعال

جان هيكارو تكول لدايسكي : ولك اركض هذه ابوية جلاد هسة يعلسك افلت عيوني



جان يفلت دايسكي و يدردم بينة وبين نفسة لعد اني شكد فكر لا دامبي يرحم ولا فيكا يرحم


جان يدك الموبايل مالته شاله جان يكول

اهووووووووووووووو دكتور امون هسة وكتك
المهم فتح خط وكاله: ها بوية شتريد

امون كال : ولك وليدي ترة صار العلس اربعة بربع قوات فيكا دا تعلس الناس بالسوك عالهوية

دايسكي كال : ادري كل مرة تخابر علية ماتخابر على كوجي والله بزعتوني
امون كال: انت خابر كوجي و اطلعوا سوية اني ماعندي رصيد
دايسكي كال: انت لشوكت تبقة حديقة كل ما احجي وياك تكول ما عندي رصيد
المهم خابر دايسكي كوجي جان يكوله ولك انت وين ترة العلس بالسوك شغل طيارتك و تعال
كوجي كله: ادري هسة وكتكم مو دا العب بلي ستيشن 2 وية كورو

دايسكي كله : ولك هسة وكتهة ولك امشي اني تعبت كل يوم اروح وحدي ولو انت طرطور يجيك صاروخ توكع طيارتك و يجي كرندايزر يشيلك



المهم ضل دايسكي يمشي بالماطور لحد ما جيت من النهر و تحول الى دوق فليد





وجان يطلع من الطريق المعروف طريق رقم سبعة








وحاط صورة هيكارو عالدشبول مال كرندايزر يكول شوكت اصارحج مو راح اتخبل


والله بهالاثناء كوجي وصل للسوك و شاف العالم تتراكض جان يخابر مركز الابحاث كاله عيني هذه الوحش العلاس شأسمه

كالولة مركز الابحاث الوحش اسمة سجينة ام الياي

والله كوجي صار سبع و جان يقصف صورايخ



هم شافوا جماعة المنيفو جان يرمون عليه بال بي كي سي وعلكت عليه


و الوحش لازم العالم و علس عالهوية


جان يجي كرندايزر


كالة للوحش انت لو زلمة تعال خلي نطلع بالجول نتعارك مو بالمدينة
الوحش كال: هاي ليش تريد نتعارك
جان كرندايزر يضوج : كالة لعد اني عفت هيكارو علمود شكولك الزفرة و تريدنة ما نتعارك


جان يضربة بالصحن الدوار



جان يصده الوحش للصحن الدوار
جان يضحك كاله عندي رعد فضاء
والله جان يضربه وجان يجرله الرزة المزدوجة وكصه نصين و تفجر الوحش


جان يجي يشيل فد بنية خطية علسها الوحش





والله رجع عالسريع جان يصيح هيكارو جان يصارحهة
هيكارو كامت تفيك براسه : اني ما اسوي علاقة و اني مخطوبة لابن عمي باندا ومن هالحجي مال هالوكت


جان يشيله دايسكي للبوري و رجع لدكتور مامون يركض

تحياتي

32:

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[SuN_BaGhDaD]

ههههههههههههههههههههههههه
هع هع هع
عاشت ايدج ع الموضوع الحلووو
تقبلي مروري
تحياتي

[red rose]

ههههههههههههههههههههههههه
خطية دايسكي والله مظلوم هذا التمسوح
هههههههههههههههههههههههه
عاشت اناملج عنوني منوستي
مو منوشتي

[منوشه]

خخخخخخخخخخخ
منورين حبايبي انتو ا**

[اثير]

هههههههههههههه
مشكوووورة منوشة عالموضوع الحلوووووو

[ابو طويلة]

هههههههههههههههههههههههه
عاشت الايادي يا وردة

تحياتي

احمد الطويل

[دلع المنصور]

هههههههههه
يسلمووووووووووووو

[اخو ابن الحرية]

مو طبيعييييييييييي هالموضوع يسلم فكرج وايدج وانشاالله تتطورين اكثر

[منوشه]

مشكورين حبايب على المرور نوورتوووووا
**تحياتووا الكم ياوورود **

[×أبــوِ سَـوسـوَ×]

النور نورج وردة

مشكور على الابداع اليخمبل

بس ادري هوة كرداايزر مو انقرض؟؟

شنو السالفه صار الجت هع هع

تحياتي