ما بين الحب والهجران

**حمكي** · 2009-11-18, 12:23 AM

ما بين الحب والهجران

على جروحي اشكثر نامتلك عيون
وتلولي جروحي لعيونك سلامات

سهل جدا سهل ليلك بالــــفراك
لأن متوعد اني على المـــــعانات

تودعني وتروح وتـــــدري الاوداع
صعب كلش صعب وجروحه كلفات

وترد اردود الية وجــــــــايب وياك
فرح بس يا فرح كل عـــمره لحظات

تسليني عالواهس ناري وتكــــول
لأن بردان ردتك على الــدفو تبات

حلم ترجع واشوفك تعــــدل وياي
مثل عدل الورود وية الــــفراشات

وتراويني ابتسامــة ثـــغرك بشوك
لأن تحرمني منها اشكد حـــــرامات

ولو كـــــل السوالف صـــــارت وياك
غــــريــــبة وتايه بنـــــص المحطات

لأن مو طبع واحــــــــد عندك اطباع
مره تكون حلوه ومــــــــــره مرات

واني ادري انت ماتعرف شنو الشوك
ولا دارس محبة واقــــــــــاري جلمات

بس اشيبدي اذا كـــــلبي انجبر بيك
وعليك اسكد سهر ليل ومـــــــلامات

ولون شايل بخت جـــــــا تنصح وياي
بس ويــــــــاك يكعد بختي هيهات

اذأ مابينك وبيني انتهى الشوك
وعلى الحاظر سجل يتسجل الفات

ونحسبة الشوك مــــات وانه وياك
نقرا الفاتحة عالشوك جه مــــــــات