اغار عليك

[HamaDa]

مو بيدي .. العشگ يسري بحنايا الروح
و من شفتك حبيب الروح سميتك



حسيتك قريب و اغلى كل الناس
و لا چنك حبيب و يوميه اطب بيتك



و مو سكته و دفن حبيتك و خجلان
كل الناس تدري بيوم حبيتك


بس تبقى لغز ما تنكشف للغير
يروحي بروح روح الروح ضميتك



ضميتك و اغار من الهوا يحاچيك
و من گد ما غرت ما يوم حاچيتك



يا نسمة هوا شمدريني راح اهواك
گلت مثل مثل الهوا و ما ادرري .. شميتك



من ذاك الوكت ما غبت عن البال
الگلب بسمك تسجل و انحسب بيتك



يا نبعة ورد ما بيك نتفة شوك
ناعم يزهي لونك و العطر صيتك



فصلت البشر سويتهم تمثال
و انت الروح بالتمثال خليتك



حجر كل البشر بس گامو يحنون
قطرة نطيتهم من بحر حنيتك



يا نهر العشگ يا سلم الافراح
عطشان و حزين و واگع و جيتك



رايد كلمه منك مو كلام هواي
و اذا انت تريد الروح لبيتك



بس كلمة احبك كافي عاد ارجوك
حت لو بالچذب بس گول حبيتك

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[MR_CoOL]

عاشت ايديك ابو جاسم
دومك مبدع
لا تحرمنا من جديدك
تحياتي

[HamaDa]

تدلل صديقي ابو الووووووليد
منوررررر

[Miss Alrassam]

عاشت ايدك حميدوردةمال الله انته دومك مبدع تحياتي الك

[@@Staunch توفي @@]

عاشت ايدك حبي

[HamaDa]

شكراً ع المرور الجميل
منورررررين

[nosnos]

كلمات رائعة كروعة سلمت الانامل تحياتي وودي

[HamaDa]

شكراً ع المرور الجميل
منوررة