رد مع اقتباسروعه عاشت ايدك
عضــ برونــزي ــــو
الومضه
لايجي گلوله ماظل بيه حيل
خلصن دموعي وبچيت سنيني
چان يطلب وانه اگله بعيني هاي
بعيني هاي وحط أصبعه بعيني
،،،،،،،
القصيده
لاتخجل بعد وكت الخجل مات
ولاتحتار أبد ماتسوه لتحير
گبل ماتحجي اعرفك رايد تروح
روح أحرگهن الدم والتصاوير
وإذا خايف البير يطلع الاسرار
حته البير راح نذبه بالبير
عرفتك من الاول هدة إعصار
وتسد باب السمه بوجه العصافير
أنه مو جنح يمك ذبته الريح
بكيفك ينكسر وبكيفك يطير
مناشير أدري بيك وگلبي تابوت
وگمت ذبيت گلبي عله المناشير
أنه جبت الدروب مغمض وياك
وأدگ روحي عله گنطرتك بسامير
وجبتهه وياي عمرك تلف وتدور
وأنه عله تراب جدمك روحي تدير
وسلمتك عمر ماقصرت بيه
وگضيت العمر وياي تقصير
نواعيري انتهن چي مايك بعيد
الخلل بالماي مو صوچ النواعير
بمواعيدك بعد ماصلي للموت
صرت كافر وكافر بالمواعيد
عله جرفك عمر تانيت الهلال
وصل بس موت منك ماوصل عيد
صرت شاعر حزن واقرالك جروح
شمايكگضي الجرح من وحّده يعيد
وشيّب باب گلبي وبعده مقفول
وحته عله القفل طلعن تجاعيد
أجيب أول نفس خلصته وياك
وأجي بآخر نفس وتگلي شتريد
عصفوره عله بابك حطت الروح
زحمه تحشم عليهه المصاييد
بعد ماريد منك كلشي يفلان
بس انطيني روحي وكلشي ماريد
احدث المواضيع:
المشرفة العامة سابقا
روعه عاشت ايدك
عضــ برونــزي ــــو
انتي العايشه ورده نونه
تحياتي
ضوابط المشاركة