"گلّي عراقي، وأخـ،ـذ عيـنـاي" .

[CoOoL G!rL]

ياطيبة العراقي

ياتمر نخلتنا
يالبن ديرتنا
ياخبزة الخير
من حلگ تنورنا
يا أستكان الچاي

يا ناگوط
من حِب الحبايب
يگطر عسل
روح الحياة
مو ماي

هلا بيك
هلا بگلبك وروحك
هلا بريحتك
عراقية وأشمها
وأحبها هواي

أنتَ مني وبيا
دم وجسد
لاخر نفس بالريّه
أضل خويك
وتضل أخواي

التفرقه بذره خبيثه
زرعوها أهل الفتن
گبل ماتنبت أحرگها
هيَّ المرض
هيَّ الداي

لا تگلّي سني وشيعي
لاتگلّي كردي وعربي
لا مسيحي وصابئي
لاتركماني ويزيدي
گلّي عراقي
وأخذ عيناي

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[مريومه العراقيه]

عاشت ايدج حبي
شكرا على الموضوع الرائع
تحياتي الج ورده وتقبلي مروري المتواضع

[™°ˆ*¤§X§¶DIesEL¶§X§¤*ˆ°™]

عاشت الايادي على الموضوع الحلو
تحياتي

[CoOoL G!rL]

تدللون شكرا عالمرور