مليان بابك حجي ومليان بابي عتاب..

[sυρєянυмαη]

تكدر تدك الباب
الباب لوح الخشب
مصبوغ ومدردغ وملون وجذاب
بس مايرد الباب
ولوما اسمعك تدك
ماينفتح لك باب
بابك منقط شذر مرسومة بي نجمات
بالأزرك اسمك تحت مكتوب بالدمعات
وتحت التحت رزته مديوفه باللذات
بابك مناطر فرح موعود بالغياب
حاميك جف الحسد مرسوم فوك الباب

بابك مزهر ورد طالع ندى بعتبته
وببابي نابت عطش من عروته لزرته
بابك يجيب الفرح وبابي يجيب الريح
بابك دفو بالشته وبالصيف
جرة مي
بساط العصر بابك ومغطى بالفي
متروس بابي سهر وبابك ينام العصر
بابك منمن خرز ومطرز وغافي
بارد هوى عتبتي وبابك ندي ودافي
بابك مراية عرس تتمرى بيه الناس
مديوف بالحنه ومعرش بياس
بي اية الكرسي والحمدو والخناس
دكات بابك غير
وبابي اله دكات
بابي تدكة الريح وبابك تدكه الناس
بابك زغير وحلو ومقفول ومنده
يسمح بمي الورد بالفتحة والسدة
ناطرت بابك عمر شو طالت المدة ؟
بابي
مشرع دوم ومحد يجي يرده
بابك جناح وهوى يودي ويجيب احباب
وبابي مبسمر صبر يتنظر الغياب
مليان بابك حجي ومليان بابي عتاب
لشاعر جمعة الحلفي
تحياتي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[سراوي]

سلمت الأنامل الي خطت هذا الابداع

تقبل مروري

[CoOoL G!rL]

تسلمين حياتي
عالكلام الحلو
عاشت ايدج
تحياتي

[حمكي]

الله
عاشت ايدج ورده
دوم الابداع
نتضر كلشي حلوو ومميز
تحياتي الج

[nosnos]

الله عاشت ايدج وردة
وسلم الذوق
تحياتي الج

[دمعة ألم]

رووووووووعة
عاشت الايادي وردة
تحياتي

[sυρєянυмαη]

يدللوو
منورين الموضوع حبايب
تحياتي الكم