اليحبـــــــــــــــــــك عافــــــــك لوحدك

[حمكي]

مو كافي حزن؟؟ مو كافي عاد دموع؟؟؟
يا قلبي اليحبك عافك لوحـــــــدك...
لا تنزف بعد..بطل تحب وارتاح
حلو يعني الدمع من يجري بخـــــدك؟؟
لا تأمن شمس لو جان طبعك ماي
اذا تكللك اشيلك يمي وتصعدك...
لأن صدك بخارك من يصير غيوم
ماي عله الأرض متندم تــــــــردك..
ضم وردك بعد..ليشوفه هذا وذاك
وبحجة يشم،،يكطع نبض وردك...
يا قلبي اليحبك خلة بيك جروح
ولزم كل ذكرياتك بيهن يجلدك..
فرش كاعك جمر من واعداك تطير
وكص جناحك وفوك الجمر هدك...
يفزع بيك اجاك وينخة كوم وياي
وأول ما كمت رأسا وكف ضدك...
من شافك حضن دافي وتحضنة بحيل
كلك فدوة ظل،محتاج انا لــــــــودك..
ومن يطلع صبح يدفر ودادك ذاك
لأن بس بالليالي يريد يتوسدك...
رد لحالتك يا قلبي وانسة الصار
مشتاك لضحكتك،والله مفتقــــــدك...
عنك ما سأل ..ما كال يمكن مات
ولا كال احتيه ولا حاول ينشــــــدك...
ولا هزة الحنين وكال جاني الليل
ولا مرة ذكر ضحكاتك وصــــــــدك...
بس جاوبني كلي تحبه بعدك ليش؟
ولك بطل دعوفة من اشتعل جدك..
هو العذبك هو الجواك وراح
اي ليش شبيك المن توفي بوعدك...
كطع جذرك غفل،منك صنع ناعور
وتسكي امثالك انت اليوم من زندك...
المن باقي كلي شبيك وشعندك
ميحبك بعد ظل عايش بوحدك....

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[شمس الحب]

الله الله الله
جميييييييييييييلةكلماتك ورده
دمت للابداع
تقبل مروري وتحياتي
شمس الحب

[حمكي]

منوره ورده
شكرا على مرورج العطر
منوره الموضوع
شكرا على تواجدك الحلووو
تحياتي الج

[sυρєянυмαη]

روووعه
مشكور وردهـ
تحياتي

[حمكي]

منوره ورده

[الماسة الزرقاء]

عاشت ايدك
دومك مبدع كلمات اكثر من رائعه
تحياتــــــــي

[دمعة ألم]

رووووووووووووووووووووووعة
عاش ذوقك وردة على الطرح المميز
لاتحرمنا من جديدك القادم
تحياتي